एजेन्सी – स्पेनिस ला लिगामा रियाल म्याड्रिडले खराव प्रदर्शनलाई निरन्तरता दिदा फेरि अर्काे हार बेहोरेको छ ।
ला लिगा अन्तर्गत आइतबार राति भएको खेलमा रियल म्याड्रिड रेलिगेसन जोनको रायो भालेकानोसँग १–० ले स्तब्ध बनेको हो । भालेकानोले खेलको २३औं मिनेटमा एड्रियन इमबार्बाले गरेको पेनाल्टी गोल नै रियललाई पराजित गर्न पर्याप्त बन्यो । जेसस भालेजोले जाभी गुरेरालाई फल गरेपछि प्राप्त पेनाल्टीमा एड्रियनले गोल गरेका थिए ।
त्यही गोललाई भालेकानोले जोगाइराख्न सफल हुदा रियलले पाएका मौकालाई सदुपयोग गर्न नसक्दा पराजित हुन पुग्यो । निकै खराव सिजन गुजारेको रियलको यो सिजन ला लिगामा १०औं हार हो ।
रियलको ३५ खेलबाट २० जित र ५ बराबरीबाट ६५ अंकसहित तेस्रो स्थानमा यथावत छ । रियललाई पराजित गरेको भालेकानो ३१ अंकसहित रेलिगेसनको जोनको १९औं स्थानमा छ ।
ला लिगाका अन्य खेलका नतिजाहरु
भ्यालेन्सिया विरुद्ध एइवार (०–१)
जिरोना विरुद्ध सेभिया (१–०)
रियल सोसिडाड विरुद्ध गेटाफे (२–१)
भिल्लारियल विरुद्ध एसडी हुएस्का (१–१)
