काठमाडौं (हाम्रो खेलकुद) – नेपाली सिनियर पुरुष राष्ट्रिय फुटबल टिमले मलेसिया र चाइनिज ताइपेईविरुद्धको दुई मैत्रीपुर्ण खेलका लागि प्रशिक्षण सुरु गरेको छ ।
टोलीको प्रशिक्षण सातदोबाटोस्थित एन्फा कम्प्लेक्सको एस्ट्रो ट्रफमा मंगलबारबाट सुरु भएको हो ।
मुख्य प्रशिक्षक योहान कालिनले प्रारम्भिक सुचीमा ४२ जना खेलाडीलाई बोलाएका छन् । यही ४२ जनाबाट अन्तिम टोली निर्माण गरिने प्रशिक्षक कालिनले बताएका छन् ।
विश्वकप छनोटको दोस्रो चरणको तयारीका लागि नेपालले जुन २ मा मलेसिया तथा जुन ६ मा चाइनिज ताइपेईसँग मैत्रीपुर्ण खेल खेल्ने तयारीमा छ । विश्वकप छनोटको दोस्रो चरणको खेलहरु आगमी सेप्टेम्वरबाट सुरु हुदैछ ।
