काठमाडौं (हाम्रो खेलकुद)– नेपाल एपिएफ क्लब सिएमएस भरतपुर गोल्ड कप फुटबल प्रतियोगिताको क्वार्टरफाइनलमा पुगेको छ । विरगन्ज युथ लाई १–० ले हराउँदै एपिएफ नारायघाटको क्याम्पाचौरमा जारी प्रतियोगिताको अन्तिम चारमा पुगेका हो ।
सुदीप सिख्राकारले ४९ औं मिनेटमा गरेको पेनाल्टी गोल नै खेलको निर्णायक बन्यो । म्यान अफ दी म्याच चुनिएका सुदीपले १० हजार रुपैयाँ प्राप्त गरे ।
अब एपिएफले वैशाख ३१ गते क्वार्टरफाइनलमा रुस्लान थ्री स्टार क्लबको सामना गरेको छ । एजी इन्टरनेसनलले आयोजना गरेको प्रतियोगिताको विजेताले ६ लाख र दोस्रा हुने टोलीले ३ लाख रुपैयाँ प्राप्त गर्नेछ ।
प्रतियोगितामा बिहीबार चितवन–११ र नुवाकोट–११ बीच खेल हुने आयोजकले जनाएको छ ।
प्रतियोगिताको ‘ए’ डिभिजनसहित १२ टोलीको सहभागिता रहेको छ । प्रतियोगिताको विजेताले ६ लाख तथा दोस्रो हुनेले ३ लाख रुपैया हात पार्नेछ ।
यस्तै प्रतियोगिताको सर्वाेत्कृष्ट खेलाडीले ४० हजार रुपैया हात पार्नेछ । व्यक्तिगत विधाका उत्कृष्ट गोलरक्षक, डिफेन्डर, मिडफिल्डर, फरवार्ड र उत्कृष्ट प्रशिक्षकले जनही २०–२० हजार रुपैया पाउनेछ ।
२४ बैशाखबाट सुरु भएको प्रतियोगिताको फाइनल खेल जेठ ४ गते शनिबार हुनेछ ।
