एजेन्सी – इंग्लिस क्लब आर्सनल युइएफए युरोपा लिगको फाइनल फाइनलमा प्रवेश गरेको छ । बिहीबार राति भएको खेलमा आर्सनलले स्पेनिस क्लब भ्यालेन्सियामाथि ४–२ को सहज जित निकाल्दै उपाधि नजिक पुगेको हो ।
आर्सनल समग्रमा ७-३ ले अघि बढेको हो । पहिलो लेगमा आर्सनल ३–१ ले विजयी भएको थियो । स्पेनमा भएको खेलमा आसर्नललाई सहज जित दिलाउन पिएरे एमरिक औवामियाङले ह्याट्रिक तथा एलेसान्द्रे लाकाजेटले एक गोल थपे । घरेलु टोलीका दुवै गोल केभिन गेमेरोले गरे ।
खेलको ११औं मिनेटमा केभिन गेमेरोले गोल गर्दै घरेलु टोलीलाई सुरुवाती अग्रता दिलाएका थिए । १७औं मिनेटमा आर्सनलका पिएरे एमरिकले बराबरी गोल फर्काउदा पहिलो हाफ १–१ गोलको बराबरीमा सकिएको थियो । ५०औं मिनेटमा लाकाजेटले गोल गर्दै आर्सनललाई २–१ ले अघि बढाए ।
५८औं मिनेटमा गेमेरोले पुनः गोल गर्दै खेललाई २–२ गोलको बराबरीमा ल्याए । ६९औं मिनेटा पिएरेले गोल गर्दै खेललाई ३–२ को अवस्थामा ल्याए । ८८औं मिनेटमा पिएरेले ह्याट्रिक पुरा गर्दै आर्सनललाई ४–२ को सहज जित दिलाए ।
अब आर्सनलले उपाधिका लागि अर्काे इंग्लिस टोली चेल्सीको सामाना गर्नेछ । चेल्सीले फ्रान्कफर्टलाई पेनाल्टी सुटआउटमा ४–३ ले पराजित गर्दै फाइनलमा स्थान बनाएको छ । फाइनल खेल अजरवैजानको बाकु स्टेडियममा मे २९ मा हुदैछ ।
