लामोसाँघु (हाम्रा खेलकुद)- ए डिभिजन टोली जावलाखेल युथ क्लबले सिन्धुकप फुटबल प्रतियोगिताको उपाधि जितेको छ ।
सिन्धुपाल्चोक लामोसाँघुस्थित बसन्तपुर मैदानमा शनिबार गोर्खा ब्वाईज क्लब रुपन्देहीलाई २–० गोल अन्तरले पराजित गर्दै जावलाखेल च्याम्पियन बनेको हो । जावालखेलले १० खेलाडीमा सिमित हुँदै खेलको अन्त्य गरेको थियो ।
जावलाखेललाई जितमा दुवै गोल विदेशी खेलाडी बोरिसले गरे । १८ औं मिनेटमा पहिलो गोल गरेका बोरिसले अर्को गोल ६१ औं मिनेटमा गरेका थिए । ३६ औं मिनेटमा डाम्बियाले रातो कार्डको सामना गरेपछि जावलाखेल १० खेलाडीमा सिमित भएको थियो ।
जावलाखेलले उपाधिसहित ५ लाख र गोर्खा ब्वाइजले २ हजार ५० हजार रुपैयाँ प्राप्त गर्यो । युथ स्पोर्टस् क्लबले आयोजना गरेको प्रतियोगितामा ८ टोलीको सहभागिता थियो ।
