5 years ago
May 18, 2019
एजेन्सी – आसन्न कोपा अमेरिका कपको लागि स्पेनिस क्लब रियल म्याड्रिका स्टारद्वय मार्सेलो र भिनीसियस जुनियरलाई बाहिर राख्दै ब्राजिलको २३ सदस्यीय टिमको घोषणा भएको छ । ब्राजिलका मुख्य प्रशिक्षक टिटेले शुक्रबार राति २३ सदस्यीय टिमको घोषणा गर्दा मार्सेलो र भेनेसियस जुनियर टिममा पर्न असफल भएको हो । मार्सेलोले यो सिजन सोचेजस्तो प्रदर्शन गर्न सकेका थिएनन् […]
एजेन्सी – आसन्न कोपा अमेरिका कपको लागि स्पेनिस क्लब रियल म्याड्रिका स्टारद्वय मार्सेलो र भिनीसियस जुनियरलाई बाहिर राख्दै ब्राजिलको २३ सदस्यीय टिमको घोषणा भएको छ ।
ब्राजिलका मुख्य प्रशिक्षक टिटेले शुक्रबार राति २३ सदस्यीय टिमको घोषणा गर्दा मार्सेलो र भेनेसियस जुनियर टिममा पर्न असफल भएको हो ।
मार्सेलोले यो सिजन सोचेजस्तो प्रदर्शन गर्न सकेका थिएनन् । भिनीसियस जुनियर भने चोटका कारण टिम बाहिर रहेका हुन् । मार्सेलो ब्राजिलको टिम बाहिर रहने सबैभन्दा ठुलो र अनुभवी नाम हुन् । मार्सेलोले यो सिजन रियल म्याड्रिडमा निकै गाह्रो सिजन बिताएका थिए ।
सान्टियागो सोलारीको प्रशिक्षणमा कम मौका पाएका मार्सेलोले जिनेदिन जिदानको प्रशिक्षणमा आफ्नो लय अनुसार खेल्न सकेका थिएनन् । उनको स्थानमा इटालियन क्लब युभेन्टसका एलेक्स सान्ड्रो र एट्लेटिको मड्रिडका फिलिपे लुइसलाई टोलीमा समावेश गरिएको छ ।
गत मार्चमा पहिलोपटक सिनियर टिममा परेका युवा स्टार भिनीसियस जुनियरले चोटका कारण टिममा स्थान बनाउन सकेनन् । उनको स्थानमा आयाक्सका डेभिड नेरेसले मौका पाएका छन् । जुनियरले गत मार्चमा पानमा र चेक रिपब्लिकविरुद्धको दुई मैत्रीपुर्ण खेलमा मौका पाएका थिए ।
अघिल्लो दुई मैत्रीपुर्ण खेल चोटका कारण गुमाएका नेयमार जुनियरले स्थान बनाएका छन् । उनी ३ महिना मैदान बाहिर रहेका थिए । यस्तै फर्नाडिन्होले २०१८ को विश्वकपपछि पहिलोपटक टिममा स्थान बनाएका छन् ।
ब्राजिलले विश्वकप अघि कतार र होन्डुरससँग दुई मैत्रीपुर्ण खेल खेल्दैछ । ब्राजिलमै आयोजना हुन लागेको कोपा अमेरिका कपमा १४ जुनमा बोलिभियाविरुद्ध खेल्दै प्रतियोगिताको सुरुवात गर्दैछ । ब्राजिल रहेको समूहमा भनेजुएला र पेरु रहेका छन् ।
ब्राजिलको पुर्ण टोली
एलिसन (गोलरक्षक)
कासियो (गोलरक्षक)
एडर्सन (गोलरक्षक)
एलेक्स सान्ड्रो (डिफेन्डर)
ड्यानी आल्भेस (डिफेन्डर)
इडर मिलिटाओ (डिफेन्डर)
फाग्नर (डिफेन्डर)
फिलिपे लुइस (डिफेन्डर)
मर्किन्होस (डिफेन्डर)
मिरान्डा (डिफेन्डर)
थियागो सिल्भा (डिफेन्डर)
एलान (मिडफिल्डर)
आर्थर (मिडफिल्डर)
क्यासेमिरो (मिडफिल्डर)
फिलिपे कौटिन्हो (मिडफिल्डर)
फर्नानडिन्हो (मिडफिल्डर)
लुकास पाक्वेटा (मिडफिल्डर)
डेभिड नेरेस (फरवार्ड)
एभर्टन (फरवार्ड)
रोबर्टाे फिर्मिनो (फरवार्ड)
गाब्रियल जेसस (फरवार्ड)
नेयमार (फरवार्ड)
रिचार्लीसन (फरवार्ड)
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]