एजेन्सी – यसपटक इंग्ल्यान्डमा दुई टोलीबीच क्लब फुटबलको सबैभन्दा चर्चित र प्रतिष्ठित युइएफए च्याम्पियन्स लिगको फाइनल हुदैछ ।

विश्वभरका फुटबल क्लबहरुले विभिन्न छनोटका आधारमा प्रतिस्पर्धा गर्ने यस प्रतिष्ठित प्रतियोगितामा सामान्यतया एकै राष्ट्रको दुई टोली च्याम्पियन्स लिगको फाइनलसम्म पुग्नुलाई कठिन मानिन्छ । तर, यो कहिलेकाही दोहोरिन्छ । आज राति दुई इंग्लिस क्लल लिभरपुल र टोटेनहम हस्टपरबीच प्रतिस्पर्धा हुदैछ । खेल मड्रिडमा राति १२ः४५ बजेपछि शुरु हुनेछ ।

यहाँ एकै देशका ७ टोलीबीचको फाइनल खेल केलाएका छौं ।

रियल म्याड्रिड विरुद्ध भ्यालेन्सिया (३–०) , २०००
सन् २००० मा दुई स्पेनिस क्लब रियल म्याड्रिड र भ्यालेन्सियाले च्याम्पियन्स लिगको फाइनलमा प्रतिस्पर्धा गरेका थिए । स्पेनिस ला लिगाको दुवै खेलमा भ्यालेन्सियालाई पराजित गर्न नसकेको रियल च्याम्पियन्स लिगको फाइनलमा भने रियल ३–० ले विजयी भएको थियो । रियलको जितमा फर्नान्डो मोरिन्टेस, स्टिभ म्याकमानामान र राहुल गार्सियाले गोल गरेका थिए ।

युभेन्टस विरुद्ध एसी मिलान (०–० [२-३]), २००३
सन् २००३ मा दुई इटालियन क्लब युभेन्टस र एसी मिलानले प्रतिस्पर्धा गरेका थिए । निर्धारित र थप गरिएको समय गोलरहित बराबरीमा सकिएपछि खेलको निर्णय पेनाल्टी सुटआउटमा लिइएको थियो । पेनाल्टी सुटआउटमा एसी मिलानले ३–२ ले बाजी मारेको थियो । ब्राजिली गोलरक्षक डिडाले उच्च प्रदर्शन गर्दै ३ पेनाल्टी रोक्दै तथा आन्द्रे सेभचेन्कोले निर्णायक गोल गर्दै जिताएका थिए

म्यानचेस्टर युनाइटेड विरुद्ध चेल्सी (१–१ [६-५]), २००८
सन् २००८ को च्याम्पियन्स लिगमा दुई इंग्लिस क्लब म्यानेचस्टर युनाइटेड र चेल्सीले प्रतिस्पर्धा गरेका थिए । यो खेललाई नयाँ स्टारको रुपमा उदाइरहेको पोर्चुगिज क्रिस्टियानो रोनाल्डो र नाम कहलाइसकेका जोन टेरीबीचको खेलको रुपमा हेरिएको थियो । रोनाल्डोल गोल गर्दै म्यानचेस्टर युनाइटेडलाई अघि बढाएपनि फ्रान्क लाम्पार्डले बराबरी गोल फर्काएपछि खेल अतिरिक्त हुदै पेनाल्टी सुटआउटमा धकेलिएको थियो । पेनाल्टीमा रोनाल्डो र टेरी दुवैले गोल गर्न सकेनन् । तर, खेल म्यानचेस्टरले सडनडेथमा ६–५ ले जित्दै च्याम्पियन बन्यो । चेल्सीका लागि अन्तिम प्रहारमा निकोलस एनेल्का चुक्दा युनाइटेडका रायन गिग्सले निर्णायक गोल गरेका थिए ।

बायर्न म्युनिख विरुद्ध बोरुसिया डर्टमन्ड (२–१), २०१३
बोरुसिया डर्टमन्डले सन् २०१३ को सिजनमा घरेलु लिगमा बायर्नलाई कडा चुनौती दिएको थियो । लगातार दुई सिजन २०१०–११ र २०११–१२ को जर्मन बुन्डेस लिगा जितेर बायर्नको अधिपत्य तोडेको बोरुसियाले २०१३ मा त्यो नतिजा दोहोर्याउन सकेन । तर, बोरुसियाले उच्च प्रदर्शन गर्दै च्याम्पियन्स लिगको फाइनलमा बायर्नसँगको भेट पक्का गरेको थियो । फाइनलमा बायर्न २-१ ले विजयी भयो ।

रियल म्याड्रिड विरुद्ध एट्लेटिको मड्रिड (४–१), २०१४
यो फाइनल खेललाई सबैले सम्झनेछन् । ता कि एट्लेटिको मड्रिड च्याम्पियन बन्ने संघारमा पुगिसकेको थियो । तर, अन्तिम ह्वीसिल बज्नु अघि रियलका कप्तान सर्जियो रामोसले हेडमार्फत बराबरी गोल गरेपछि खेल अतिरिक्त समयमा धकेलिएको थियो । बराबरी गोलसँगै अतिरिक्त समयमा एट्लेटिको निरिह बन्दा रियल ४–१ ले विजयी हुन सफल भयो । अतिरिक्त समयका बेल, मार्सेलो र रोनाल्डोले गोल गर्दै जित पक्का गरे ।

रियल म्याड्रिड विरुद्ध एट्लेटिको मड्रिड (१–१ [६-५]), २०१६
यि दुई टोलीले सन् २०१६ मा फाइनल खेल खेल्यो । यसपटक रियलले कप्तान रामोसकै गोलबाट अग्रता लिएको थियो । एट्लेटिकोका यान्निक कारास्कोले बराबरी गोल फर्काएपछि खेल अतिरिक्त समयमा धकेलियो । अतिरिक्त समयमा २०१४ को नियति दोहोररिएन । खेल पेनाल्टीसम्म पुग्यो । तर, पनि एट्लेटिको फेरि पनि रियलसामु ५–३ घुडा टेक्न बाध्य बन्यो । रोनाल्डोले पेनाल्टीमा निर्णायक गोल गर्दा एट्लेटिकोका जुवानफ्रानको चौथो पेनाल्टी चुकेको थियो ।

लिभरपुलविरुद्ध टोटेनहम, २०१९
सन् २००८ पछि दुई इंग्लिस टोली लिभरपुल र टोटेनहम हस्टपरले च्याम्पियन्स लिगमा फाइनलमा भेट पक्का ग¥यो । फाइनल खेल आज राति हुदैछ । लिभरपुल छैटौपटक युरोपेली च्याम्पियन बन्ने अभियानमा रहँदा टोटेनहम पहिलो च्याम्पियन्स लिग जित्ने लक्ष्यमा हुनेछ ।