काठमाडौं (हाम्रो खेलकुद)– सिग्नेचर मनाङ मस्र्याङ्दी क्लबका फरवार्ड अभिषेक रिजाल चाइनिज ताइपेविरुद्धको मैत्रीपूर्ण खेलमा नेपाली राष्ट्रिय फुटबल टोलीको पहिलो रोजाईमा पर्न सफल भएका छन् ।

जेठ १९ गते मलेसियाविरुद्ध भएको खेलमा परिवर्तित खेलाडीका रुपमा मैदान प्रवेश गर्दै अभिषेकले राष्ट्रिय टोलीबाट ‘डेब्यू’ गरेका थिए । एन्फा डेमा अभिषेक यो वर्ष उदयमान खेलाडीका रुपमा पुरस्कृत भएका थिए । नियमित कप्तान विराज महर्जन भने चाइनिज ताइपेविरुद्ध पहिलो रोजाईमा छैनन् ।
नियमित गोलकिपर किरण चेम्जोङले नेपालको पोष्ट सम्हाल्नेछन् भने रक्षकमा अनन्त तामाङ, देवेन्द्र तामाङ, अजित भण्डारी, सुमन अर्याल छन् । त्यस्तै मिडमिफल्डमा रोहित चन्द, विक्रम लामा, सुजल श्रेष्ठ, रविशंकर पासवाल, सन्तोष तामाङ छन् । फरवार्डमा अभिषेक टोलीमा छन् । विराटको अनुपस्थितिमा नेपाली टोलीको कप्तानी गोलकिपर किरणले गरिरहेका छन् ।

नेपाल दुई वटा मैत्रीपूर्ण खेलका लागि वैदेशिक यात्रामा निस्केको थियो । जेठ १९ गते मलेसियासँगको मैत्रीपूर्ण खेल २–० ले गुमाएपछि अर्को खेलका लागि टोली ताइपे पुगेको थियो । प्रशिक्षक योहान कालिनको नेतृत्वमा नेपालले खेल्न लागेको यो चौथो खेल हो ।

अघिल्ला तीन खेलमा नेपालले जित दर्ता गर्न नसकेको मात्र होइन गोल पनि गर्न सकेको छैन । केहि साता अघि कुवेतविरुद्धको पहिलो खेलमा गोलरहित बराबरी खेलेको नेपाली टोली टोली खेलमा १–० ले पराजित भएको थियो ।