एजेन्सी – सन् २०२२ को विश्वकप छनोट अन्तरगतको एसियन क्षेत्रको छनोटको पहिलो चरणमा भुटानले जित निकालेको छ ।
घरेलु मैदान चाङलिमिथाङ राष्ट्रिय रंगशालामा बिहीबार राति भएको खेलमा भुटानले गुवामलाई १–० ले हराएको हो । भुटानको जितमा पहिलो हाफमा छिरिङ दोर्जीले गरेको गोल नै निर्णायक बन्यो । छिरिङले खेलको ३५औं मिनेटमा गोल गरेका थिए । दोस्रो लेग गुवामको मैदानमा ११ जुनमा हुनेछ ।
यता, विश्वकप छनोटको पहिलो चरणमा मंगोलियाले पहिलो जित निकालेको छ । मंगोलियाले ब्रुनाईलाई २–० ले हराउदै विश्वकप छनोटको इतिहासमै पहिलो जित हात पारेको हो ।
मंगोलियाको जितमा नोर्जमोनि सेडेवल र नारानवोल्ड न्याम ओसोरले गोल गरे । दोस्रो लेग ११ जुनमा ब्रुनाईमा हुनेछ ।
विश्वकप छनोटको पहिलो चरणको अन्य खेलको नतिजा
मंगोलिया विरुद्ध ब्रुनाई (२–०)
कम्वोडिया विरुद्ध पाकिस्तान (२–०)
लाओस विरुद्ध बंगलादेश (०–१)
मकाउ विरुद्ध श्रीलंका (१–०)
