पोर्टो (एजेन्सी)– क्रिस्टियानो रोनाल्डोलाई आफ्ना रक्षकहरु भर्जिल भान डाईक र माथिज डी लिट रोक्न सक्षम रहेको नेदरल्यान्ड्सका प्रशिक्षक रोनाल्डो कोएम्यानले बताएका छन् । रोनाल्डोको कप्तानीमा रहेको पोर्चुगल र नेदरल्यान्ड्बीच आज राती युइएफए नेसन्स लिगको फाइनल हुँदैछ ।
दुवै टोलीको लक्ष्य दोस्रो अन्तर्राष्ट्रिय उपाधि भित्राउनु हुनेछ । घरेलु टोली पोर्चुगल सन् २०१६ को युरो पछि अर्को उपाधि जित्ने दाउमा रहँदा नेदरल्यान्ड्स लामो समयको उपाधि खडेरी तोड्ने लक्ष्यका साथ उत्रनेछ । नेदरल्यान्ड्स १९८८ यता उपाधि विहिन छ ।
रोनाल्डो उच्च फर्ममा छन् । स्विट्जल्यान्डविरुद्धको सेमिफाइनलमा रोनाल्डोले ह्याट्रिक पुरा गरेका थिए । यद्दपी कोएम्यान रोनाल्डोलाई रोक्न आफ्ना खेलाडी सक्षम रहेको बताउँछन् ।
‘हामीले उनीहरुसँग स्विजरल्यान्डमा खेलेको लामो समय भएको छैन । भान डाईकले मात्र रोनाल्डोलाई रोक्ने होइनन् ,’ प्रशिक्षक कोएम्यानले भने,‘ डी लिट रोनाल्डोलाई रोक्ने सक्षम छन् । तर, पनि रोनाल्डोलाईले राम्रा रक्षकविरुद्ध पनि मौका बनाउन सक्छन् । त्यहि नै फुटबलको सुन्दर पक्ष हो । उनको स्तर यति माथि छ की चाहेर मात्र केहि गर्न सकिन्न ।’
कोएम्यानले आफ्ना रक्षकको निकै तारिफ खेले । ‘ उनीहरु दुवै उत्कृष्ट रक्षक हुन् । माथिजमा क्षमता वान खेलाडी हुन् । सिजनभर भर्जिलले पनि आफ्नो क्षमता प्रदर्शन गरेका छन्’, उनले भने,‘हाम्रा दुई रक्षकले इङ्ल्यान्डविरुद्ध उच्च प्रदर्शन गरेका थिए । हामीले उच्च प्रदर्शन गर्दै निकै मौका सिर्जना गर्यौं ।’
