एजेन्सी – कोन्काफ गोल्डकप फुटबल प्रतियोगितामा मेक्सिकोले फराकिलो जित हात पारेको छ ।
समूह ‘ए’ को खेलमा आइतबार बिहान भएको खेलमा मेक्सिकोले क्युवामाथि ७–० को फराकिलो जित हात पारेको हो । मेक्सिकोको जितमा कार्लाेस एन्टुनाले ह्याट्रिक पुरा गरे । राहुल जिमिनेजले दुई तथा डिएगो रियस र एर्नेस्टो भेगाले समान १ गोल गरे ।
खेलको दोस्रो मिनेटमा नै कार्लाेसको गोलमा मेक्सिकोले खेलमाअग्रता बनाएको थियो । ३१औं मिनेटमा राहुल जिमिनेज, ३८औं मिनेटमा डिएगो रियसले तथा ४४औं मिनेटमा कार्लाेसले व्यक्तिगता दोस्रो गोल गरेपछि मेक्सिको पहिलो हाफमै ४–० को आरामदायी अग्रता बनाएको थियो ।
६४औं मिनेटमा राहुल जिमिनेजले व्यक्तिगत दोस्रो गोल गरे । त्यसपछि ७४औं मिनेटमा इर्नेस्टोले गोल गर्दै मेक्सिकोलाई फराकिलो जिततर्फ डो¥याए ।
८०औं मिनेटमा कार्लाेसले गोल गर्दै ह्याट्रिक पुरा गर्दै मेक्सिकोको ७–० को जित पक्का गरे ।
यही समूहको अर्काे खेलमा मार्टिनीक्युलाई ४–० ले पराजित गर्दै विजयी सुरुवात गरेको छ ।
समूह ‘ए’ मा मेक्सिकोसँगै क्यानडा, मार्टिनक्यु र क्युवा रहेका छन् ।
