5 years ago
June 17, 2019
एजेन्सी – कोपा अमेरिका २०१९ अन्तर्गत समूह ‘बी’ को दोस्रो खेलमा एसियाली च्याम्पियन कतारले पाराग्वेलाई २-२ को बराबरीमा रोकेको छ । एक समय २-० ले पछाडी परेको कतारले दोस्रो हाफमा उत्कृष्ट पुनरागमन गर्दै कोपा अमेरिकामा पहिलो अंक जोडेको हो । खेलको चौथो मिनेटमा ओस्कार कार्डोजोले पेनाल्टीमा गोल गर्दै पाराग्वेलाई अग्रता दिलाएका थिए । कतारले त्यसपछि […]
एजेन्सी – कोपा अमेरिका २०१९ अन्तर्गत समूह ‘बी’ को दोस्रो खेलमा एसियाली च्याम्पियन कतारले पाराग्वेलाई २-२ को बराबरीमा रोकेको छ ।
एक समय २-० ले पछाडी परेको कतारले दोस्रो हाफमा उत्कृष्ट पुनरागमन गर्दै कोपा अमेरिकामा पहिलो अंक जोडेको हो । खेलको चौथो मिनेटमा ओस्कार कार्डोजोले पेनाल्टीमा गोल गर्दै पाराग्वेलाई अग्रता दिलाएका थिए । कतारले त्यसपछि लगातार आक्रमण बुनेपनि गोल गर्न भने सकेन । फरवार्ड अल्मोएज अलीले सुवर्ण अवसर गुमाउँदा कतार खेलमा फर्कन सकेन ।
दोस्रो हाफमा पाराग्वेले अग्रता दोब्बर पार्यो । डेरिस गोन्जालेजले ५६ औं मिनेटमा लामो दुरीबाट गरेको प्रहार सिधै गोलमा परिणत भएपछि कतार हारतर्फ उन्मुख भएको थियो । त्यसअघि कार्डोजोले व्यक्तिगत दोस्रो गोल गरेपनि भिडियो असिस्टेन्ट रेफ्री (भीएआर) को सहायताले त्यसलाई मान्यता दिइएको थिएन ।
खेलको ६८ औं मिनेटमा कतारले खेलमा फर्कने बाटो बनायो । अल्मोएजले पेनाल्टी क्षेत्र बाहिरबाट उत्कृष्ट गोल गर्दै कतारलाई खेलमा फर्काए । त्यसको ८ मिनेटपछि पाराग्वेका गोलरक्षक रोबर्ट फर्नान्डेजले गल्ति गर्दा बौलेम खौखीको प्रहार गोलमा परिणत भएको थियो । खेलको अन्त्यतिर पाराग्वेका माटियास रोजासले अग्रता दिलाउने अवसर गुमाएपछि खेल बराबरीमा सकियो ।
समूह ‘बी’ मा कोलोम्बिया ३ अंक जोड्दै शीर्षस्थानमा रहेको छ । कतार र पाराग्वे १-१ अंकसहित संयुक्त दोस्रो स्थानमा रहँदा अंकविहिन अर्जेन्टिना पुछारमा रहेको छ । अब कतारले कोलोम्बियासँग खेल्ने छ भने पाराग्वेले अर्जेन्टिनाको सामना गर्नेछ ।
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]
April 18, 2024
एजेन्सी – बायर्न म्युनिख च्याम्पियन्स लिगको सेमिफाइनलमा प्रवेश गरेको छ । इंग्लिस क्लब आर्सनललाई बुधबार दोस्रो लेगमा १–० ले हराएपछि समग्रमा ३–२ को नतिजासहित जर्मन टोली बार्यन अन्तिम चारमा पुगेको हो । आर्सनलको मैदानमा भएको पहिलो लेग २–२ को बराबरीमा टुंगिएको थियो । जोसुवा किमिचले गरेको गोल बायर्नका लागि निर्णायक बन्यो । उनले ६३ औं […]
April 17, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत बुधबार भएको खेलमा सानेपा क्लब विजयी भएको छ । एन्फा कम्प्लेक्समा भएको दिनको दोस्रो खेलमा सानेपा क्लबले स्वयम्भू क्लब माथि २-१ को जित निकालेको हो । सानेपाको लागि पेम्बा दोर्जे र निरञ्जन जंग शाहीले १-१ गोल गरे । पराजित स्वयम्भूका लागि सुग्रीत मगरले एक गोल […]