काठमाडौं (हाम्रो खेलकुद)- रुस्लान थ्री स्टार क्लब र सिग्नेचर मनाङ–मस्र्याङ्दी क्लबले ललित मेमोरियल यु–१८ फुटबल प्रतियोगितामा बराबरी खेल्दै अंक बाँडेका छन् ।
सातदोबाटोस्थित एन्फा कम्प्लेक्सको खेल मैदानमा शुक्रबार भएको समूह चरणको खेलमा थ्री स्टार र मनाङले २–२ गोलको बराबरी खेल्दै अंक बाँडेको हो ।
खेलको २२औं मिनेटमा क्षितिज भण्डारीको गोलबाट मनाङले अग्रता लिएको थियो । ४४औं मिनेटमा दिप्सन राउतले गोल गर्दै थ्री स्टारलाई १–१ गोलको बराबरीमा ल्याए । ५८औं मिनेटमा सुमन श्रेष्ठले गोल गर्दै थ्री स्टारलाई २–१ को अग्रता दिलाए ।
इन्ज्युरी समया थ्री स्टार सम्हालिन नसक्दा गोल खादै अंक बाड्न बाध्य बन्यो । इन्ज्युरी समयको थप गरिएको तेस्रो मिनेटमा रोहन बल लामाले गोल गर्दै मनाङलाई हार बाट जोगाए ।
बराबरीसँगै मनाङ र थ्री स्टारले समूह ‘बी’ मा १–१ अंक जोडेको छ । प्रतियोगितामा आइतबार आर्मी र फ्रेन्डस् तथा पुलिस र जावलाखेलबीच खेल हुनेछ ।
