एजेन्सी – कोपा अमेरिका २०१९ को पहिलो सेमिफाइनलमा ब्राजिल र अर्जेन्टिना भिड्दैछन् । पहिलो हाफमा ब्राजिलले १-० को अग्रता लिएको छ ।
खेलको १९ औं मिनेटमा ब्राजिलका लागि ग्याब्रीएल जेससले गोल गर्दै अग्रता दिलाए । मिडफिल्डबाट कप्तान ड्यानी आल्भेसले उत्कृष्ट बल नियन्त्रण गर्दै फिर्मिनोलाई दिएको पासमा फिर्मिनोले पेनाल्टी क्षेत्रभित्र दिएको लो क्रसलाई जेससले गोलमा परिणत गरेका थिए ।
खेलको ३० औं मिनेटमा अर्जेन्टिनाले खेल बराबरीमा ल्याउने सुवर्ण अवसर गुमायो । कप्तान लिओनेल मेस्सीले पेनाल्टी क्षेत्रभित्र दिएको बललाई सर्जियो अगुएरोले गरेको हेडर प्रहार क्रसबारमा लागेर फर्किएको थियो । त्यसपछि ३६ औं मिनेटमा मेस्सीले दिएको पासमा अगुएरोले पेनाल्टी क्षेत्र भित्रबाट गरेको प्रहार सिल्भाले छेकेका थिए ।
गोलको भिडियो :
Wow Brazil, just wow .. #BRAxARG
— LFC (@RockyKlopp) July 3, 2019
Bobby Firmino setting up Gabriel Jesus for a tab in pic.twitter.com/naaiROOpqr
यस खेलको विजेताले चिली र पेरुबीच हुने दोस्रो सेमिफाइनलको विजेतासँग कोपा अमेरिका उपाधिको लागि खेल्नेछ ।
सुरुवाती ११:
ब्राजिल :
फर्मेसन : ४-२-३-१
एलिसन, ड्यानी
आल्भेस, मार्किन्हस, थियागो सिल्भा, एलेक्स स्यान्ड्रो, आर्थर, क्यासेमिरो,
ग्याब्रीएल जेसस, फिलिपे कोउटिन्हो, एभरटन, रोबर्टो फिर्मिनो
अर्जेन्टिना :
फर्मेसन : ४-३-१-२
फ्रान्को
अर्मानी, जुआन फोइथ, जर्मन पेजेला, निकोलस ओटामेन्डी, निकोलस टाग्लियफिको,
रोड्रीगो डे पल, लीआन्द्रो पारेडेस, मार्कोस अकुना, लिओनेल मेस्सी, लौटारो
मार्टिनेज, सर्जियो अगुएरो
