एजेन्सी – कोपा अमेरिका २०१९ को उपाधि भिडन्तमा घरेलु टोली ब्राजिल र पेरु भिड्दैछन् । प्रतियोगितामा अपराजित रहेको ब्राजिल उपाधिको बलियो दाबेदार समेत हो ।

यी दुई टोलीले पछिल्लो पटक यसै प्रतियोगिताको समूह चरणमा खेलेका थिए । ब्राजिलले उक्त खेलमा ५-० को फराकिलो जित दर्ता गरेको थियो । त्यसयता भने पेरुले आफ्नो प्रदर्शन सुधार्दै नकआउट चरणका दुवै खेलमा जित दर्ता गरेको छ । ब्राजिलले भने आफ्नो लयलाई कायम राख्दै फाइनलमा स्थान पक्का गरेको हो ।

ब्राजिलको फाइनल यात्रा :
सेमिफाइनल : ब्राजिल २-० अर्जेन्टिना
क्वाटरफाइनल : ब्राजिल ०-० पाराग्वे (४-३ ले विजयी)
समूह चरण : ब्राजिल ५-० पेरु
ब्राजिल ०-० भेनेजुएला
ब्राजिल ३-० बोलिभिया

पेरुको फाइनल यात्रा :
सेमिफाइनल : पेरु ३-० चिली
क्वाटरफाइनल : उरुग्वे ०-० पेरु (५-४ ले विजयी)
समूह चरण : पेरु ०-५ ब्राजिल
पेरु ३-१ बोलिभिया
पेरु ०-० भेनेजुएला

ब्राजिल र पेरुको पछिल्लो ५ नतिजा :
ब्राजिल ५-० पेरु
ब्राजिल २-० पेरु
ब्राजिल ०-१ पेरु
ब्राजिल ३-० पेरु
ब्राजिल २-१ पेरु

ब्राजिलले पछिल्लो ३ खेलमा जित दर्ता गर्दै १५ खेलमा अपराजित रहेको छ । ब्राजिलले पछिल्लो ७ खेलदेखि गोल खाएको छैन । ब्राजिलले पछिल्लो खेलमा डिफेन्डर फिलिपे लुइसलाई चोटको कारण प्रयोग गर्न सकेको थिएन । यस खेलमा फिट भएको अवस्थामा उनी पहिलो रोजाइमा फर्कनेछन् । ब्राजिलका लागि विलियनले यस खेल तिघ्राको चोटका कारण गुमाउनेछन् ।

पेरुले प्रतियोगितामा सुधारिएको प्रदर्शन गर्दै आएको छ । टोलीका अनुभवी विंगर जेफरसन फार्फान चोटका कारण खेल्नेमा शंका रहेको छ । उनले खेल्न नसकेको खण्डमा आन्द्रे क्यारिलो र एडिसन फ्लोरेसले दुइतर्फ विंगमा खेल्नेछन् ।

खेलको जानकारी:
खेल हुने मिति : ८ जुलाई २०१९ (नेपाली समयअनुसार)
खेल सुरु हुने समय : १:४५ बजे (नेपाली समयअनुसार)
मैदान : माराकाना रंगशाला, रियो डे जानेरिओ
रेफ्री : रोबर्टो टोबार, चिली

सम्भावित सुरुवाती ११ :
ब्राजिल : एलिसन बेकर, थियागो सिल्भा, मार्किन्हस, ड्यानी आल्भेस, फिलिपे लुइस, क्यसेमिरो, आर्थर, फिलिपे कोउटिन्हो, एभरटन, रोबर्टो फिर्मिनो, ग्याब्रीएल जेसस
पेरु: पेड्रो गलेसे, लुइस अब्राम, मिगुएल ट्राउको, कार्लोस जाम्ब्रानो, लुइस एड्भिनकुला, क्रिस्टियन कुएभा, रेनाटो टापीया, आन्द्रे क्यरिलो, योशिमार योतुन, एडिसन फ्लोरेस, जोसे पाउलो गुरेरो