एजेन्सी – फरवार्ड सुनील क्षेत्रीले पहिलो हाफमै दुई गोल गरेपनि भारत हिरो इन्टरकन्टिनेन्टल कपको पहिलो खेलमा ताजिकिस्तानसँग ४-२ ले पराजित भएको छ ।
खेलको चौथो मिनेटमा नै भारतले अग्रता लिएको थियो । सुनीलले पेनाल्टीमा गोल गर्दै भारतलाई अगाडि बढाएका थिए । पहिलो हाफको अन्तिम समयमा सुनीलले व्यक्तिगत दोस्रो गोल गर्दै भारतको अग्रता दोब्बर पारे । सुनीलले पहिलो गोलसँगै अन्तर्राष्ट्रिय फुटबलमा सर्वाधिक गोल गर्ने सुचिमा मेस्सीलाई पनि पछि पारेका थिए ।
दोस्रो हाफको ५६ औं मिनेटमा कोमोरोनले गोल गर्दै ताजिकिस्तानलाई खेलमा फर्काउने प्रयास गरेका थिए । त्यसको दुई मिनेटमै बोबोएभले गोल गर्दै ताजिकिस्तानलाई बराबरीमा ल्याए । ७१ औं मिनेटमा रहिमोभले ताजिकिस्तानलाई अग्रता दिलाए । त्यसको ४ मिनेटपछि सामिएभले गोल गर्दै ताजिकिस्तानको अग्रता दोब्बर पारे ।
ताजिकिस्तानले यस जितसँगै ३ अंक जोडेको छ । प्रतियोगितामा यी दुई टोलीसँगै उत्तर कोरिया र सिरिया सहभागी रहेका छन् । प्रतियोगिताको फाइनलमा जुलाई १८ मा हुनेछ ।
