6 years ago
August 2, 2019
सुबास हुमागाईं, काठमाडौं
नेपालका लागि विश्वकप खेल्ने सपना अहिलेको अवस्थामा सपनामै सिमित हुन्छ भन्ने सबैको बुझाई छ । तर अलिकति मिहिनेत गर्ने हो भने नेपालले फिफा विश्वकपमा छनोट हुने सम्भावना अझै बलियो बनेको छ । सन् २०२३ देखि महिला फुटबल विश्वकपमा ३२ राष्ट्रले सहभागिता जनाउने भएका छन् । फिफा काउन्सिलले महिला विश्वकपमा सहभागी टोलीको संख्या २४ बाट ३२ पुर्याउने प्रस्तावलाई बिहीबार सर्वसम्मत पारित गरेको छ ।

सन् २०२३ संस्करणका लागि आयोजना दावेदारी पेश गर्न ९ राष्ट्रले प्रक्रिया सुरु गरिसकेका छन् । सहभागी टोलीको संख्या वृद्धि भएसँगै आयोजनाको लागि दावेदारी प्रस्तुत गर्ने मिति पनि पछाडि सारिएको छ । अब मे २०२० मा मात्र विश्वकप आयोजकको टुंगो लाग्नेछ । एक वा सोभन्दा बढी राष्ट्रले मिलेर विश्वकप आयोजना गर्ने सम्भावना पनि रहेको छ ।
विश्वकपमा सहभागी हुने टोलीहरुको कोटा विभाजन भने भएको छैन । फिफा अध्यक्ष जियानी इन्फान्टिनोले महिला फुटबलको विकासमा यस कदमले दीर्घकालीन रुपमा सकारात्मक संदेश दिने बताए । उनले महिला फुटबलको विकासका लागि सारिएको धेरै कार्यमध्य एक रहेको पनि जानकारी दिए ।
यसअघिका संस्करणमा २४ टोलीले सहभागिता जनाउँदा एसियाका ५ राष्ट्रले सहभागिता जनाउने प्रावधान रहेको थियो । युरोपबाट सर्वाधिक ८ टोलीले सहभागिता जनाउने गरेका थिए । अब भने एसियाको १ वा २ कोटा बढ्ने सम्भावना रहेको छ ।

विश्वकपमा एसिया छनोटका लागि महिला एसियन कपलाई नै एसियाली छनोट प्रतियोगिताको रुपमा लिइने गरिएको छ । नेपालका लागि अब विश्वकपमा छनोट हुन एसिया कपमा छनोट हुनु पहिलो कदम हुनेछ । सन् २०२३ मा हुने महिला एसिया कपका लागि भारत, उज्बेकिस्तान र चाइनिज ताइपेइले आयोजनाका लागि दावेदारी प्रस्तुत गरिसकेका छन् ।
नेपालले अहिलेसम्म एसिया कप छनोटका लागि सहभागिता नै जनाएको छैन । सन् २००३ मा नेपालले सहभागिता जनाउने भनेपनि अन्तिम समयमा नाम फिर्ता लिएको थियो । एन्फाको वर्तमान नेतृत्वले भने महिला फुटबललाई प्राथमिकतामा राख्दै अगाडि बढिरहेको अवस्थामा एसिया कप छनोट लगायत सम्पूर्ण औपचारिक प्रतियोगितामा सहभागिता जनाउने एन्फा महसचिव इन्द्रमान तुलाधरले जानकारी दिए । ‘ हामी महिला फुटबलको विकासमा लागेका छौं । हामीले सहभागिता जनाउन पाउने प्रतियोगितामा पक्कै सहभागी हुने नै छौं,’ उनले भने ।
सन् २०२३ मा हुने विश्वकपमा छनोट हुनका लागि टोलीले सन् २०२२ मा हुने एसिया कपमा छनोट हुनुपर्नेछ । त्यसका लागि छनोट प्रतियोगिता सन् २०२० को अन्तिम अथवा सन् २०२१ को सुरुवाती महिनामा हुने सम्भावना रहेको छ । नेपालले पुरुषतर्फ लगातार विश्वकप छनोट खेल्दै आएकोमा सन् २०२२ को विश्वकप छनोटका लागि अहिले दोस्रो चरणमा खेल्दैछ । पुरुषतर्फ नेपालले विश्वकप छनोटमा दोस्रो चरण पुग्नु नै सबैभन्दा सफल नतिजा हो ।

नेपाली महिला टोलीले अघिल्लो वर्ष मात्र ओलम्पिक छनोटको दोस्रो चरणमा पुगेर इतिहास रचेको थियो । दोस्रो चरणमा नेपालले इन्डोनेसियालाई हराएको थियो भने भारत र समूह विजेता म्यानमारसँग पराजित हुन पुगेको थियो । पहिलो सहभागितामा नै नेपालले ठूला टोलीसँग राम्रो प्रदर्शन गरेको थियो । नेपालले त्यसअघि हिरो गोल्डकपमा भारतलाई पराजित गरिसकेको छ ।
नेपाली महिला फुटबल टोलीका प्रशिक्षक रहँदै आएका हरि खड्का यसै साता एन्फाको महिला फुटबल विभागका प्रमुखमा नियुक्त भएका छन् । खड्का पनि विश्वकपको अवसरलाई लिएर सकारात्मक छन् । ‘हामीले अब पाएको अवसर गुमाउनु हुन् । महिला फुटबलले नतिजा दिएर नै सम्भावना देखाएको छ । हामीले अझै कार्यक्रम ल्याएर प्राथमिकता दिने हो भने अझै अगाडी बढ्न सकिन्छ । विश्वकप छनोट, एसिया कप छनोट लगायत प्रतियोगितामा खेल्न हामी डटेर लाग्नेछौं’, उनले भने ।
पछिल्लो समय सफल रहँदै आएको महिलातर्फ पनि विश्वकप छनोटमा नेपालको बाटो खुलेको छ । ओलम्पीक छनोटको दोस्रो चरणमा पुगेर रोकिएको नेपाली टोलीलाई विश्व महिला फुटबलमा अगाडी बढ्न अर्को विकल्प रहेको छ । एन्फाले महिला फुटबललाई प्राथमिकतामा राख्दै विश्वकप छनोटको रुपमा रहेको एसिया कप छनोटको तयारी गर्ने हो भने स्तर सिद्ध गरिसकेको नेपाली महिला टोलीले नतिजा ल्याउने सम्भावना पनि बलियो छ ।
December 17, 2025
एजेन्सी- बार्सिलोनाकी आइताना बोनमाती र पेरिस सेन्ट–जर्मेन (पिएसजी) का उस्मान डेम्बेलेफिफा ‘द बेस्ट’ फुटबल अवार्ड जितेका छन्। कतारको दोहामा मंगलवार आयोजित विशेष समारोहमा बोनमातीले लगातार तेस्रो पटक फिफा वर्षकी उत्कृष्ट महिला खेलाडी को अवार्ड जितेर नयाँ इतिहास बनाइन्। उनी लगातार तीन वर्ष यो अवार्ड जित्ने पहिलो महिला खेलाडी बनेकी हुन्। क्लब र स्पेनको राष्ट्रिय टोली […]
December 17, 2025
एजेन्सी – बार्सिलोनाले ग्वाडालाजारालाई २-० ले पराजित गर्दै कोपा डेल रे को अन्तिम १६ मा स्थान बनाएको छ। खेलको सुरुवातमा बार्सिलोनाले गोल गर्ने अवसर पाए पनि पहिलो हाफमा गोल गर्न सकेन। ग्वाडालाजाराको रक्षापंक्तिले कडा प्रतिस्पर्धा प्रस्तुत गर्यो। दोस्रो हाफमा बार्सिलोना आक्रामक बन्यो। ७६औँ मिनेटमा आन्द्रेयास क्रिस्टेन्सनले हेडरमार्फत गोल गर्दै टोलीलाई अग्रता दिलाए। ९०औँ मिनेटमा मार्कस […]
December 17, 2025
एजेन्सी – चेल्सीले कार्डिफ सिटीलाई ३-१ ले पराजित गर्दै लिग कपको सेमिफाइनलमा स्थान बनाएको छ। यो जितसँगै चेल्सी सेमिफाइनल पुग्ने पहिलो टोली बनेको हो। खेलको दोस्रो हाफमा मैदान प्रवेश गरेका आलेहान्द्रो गार्नाचो र पेद्रो नेटो चेल्सीका लागि निर्णायक बने। शनिबार एभर्टनविरुद्ध जितपछि प्रशिक्षक एन्जो मारेस्काले टोलीमा धेरै परिवर्तन गरेका कारण चेल्सीले सुरुवातमा लय समात्न सकेन। […]