काठमाडौं (हाम्रो खेलकुद) – साफ यु–१५ फुटबल च्याम्पियनसिपमा नेपालल उपाधिको दावेदार आयोजक भारतसँग फराकिलो हार बेहोरेको छ ।

भारतको कल्याणीमा बुधबारबाट शुरु भएको साफ यु–१५ च्याम्पियनसिपमा नेपाल पहिलो खेलमा भारतसँग ५–० को भारी अन्तरले पराजित भएको हो ।

भारतको जितमा मजुम्दरले दुई गोल गरे । टोङब्राम, पल र नोङमेइकापामले गोल गरे । घरेलु टोलीविरुद्ध सम्हालिन नपाउदै नेपालले गोल खान पुगेको थियो । खेलको छैटौ मिनेटमा महेसनको पेनाल्टी बक्स बाहिरको प्रहार सिधै गोलमा परिणत हुदा नेपाली गोलरक्षकले रोक्ने कुनै मौका नै पाएन ।

२४औं मिनेटमा शुभोले गोल गरेपछि नेपाल खेलमा २–० ले पछि परेको थियो । शुभोले बक्सभित्रबाट सहजै गोल गरेका थिए । ४३औं मिनेटमा अनिसले गोल गरेपछि नेपाल पहिलो हाफमै ३–० ले पछि परेको थियो । कर्नरबाट आएको बलमा अनिसले हेडमार्फत गोल गरेका थिए ।
दोस्रो हाफमो शुरुमै नेपालले गोल खान पुग्यो ।

४९औं मिनेटमा टाइसन सिंहले फ्रिकिकमा गोल गरे । बक्सबाहिर प्राप्त फ्रिकिकमा टाइसनको प्रहार नेपाली गोलरक्षकले फितलो प्रदर्शन गर्दा हातमा लाग्दै गोल हुन पुगेको थियो ।

५६औं मिनेटमा नोङमेइकापामले गोल गर्दै भारतलाई फराकिलो जिततर्फ अग्रसर गराए । उनको फितलो प्रहार गोलरक्षकले अघि बढेर पञ्च गरेपनि गोल हुन पुगेको थियो । त्यसपछि थप गोल निस्कन नसक्दा भारतले ५–० को फरासिकलो जित निकाल्यो ।

नेपालले कुनैपनि समय भारतको पोस्टमा गतिलो आक्रमण बुन्न नसक्दा पहिलो खेलमा ५–० को फराकिलो हार बेहोर्न पुग्यो ।

अब नेपालले शुक्रबार श्रीलंकासँग खेल्दैछ । त्यसपछि २७ अगस्टमा बंगलादेश र २९ अगस्टमा भुटानसँग खेल्नेछ । ५ राष्ट्र सहभागी साफमा शीर्ष दुई टोलीले फाइनलमा स्थान बनाउनेछ ।

आज नै भुटान श्रीलंकाबीच खेल हुदैद्ध ।