काठमाडौं (हाम्रो खेलकुद) – नियमित कप्तान विराज महर्जनलाई बाहिर राख्दै नेपालले विश्वकप छनोटको सुरुवाती दुई खेलका लागि टोली घोषणा गरेको छ ।

यसअघि मलेसियाली क्लब विरुद्ध भएको मैत्रीपूर्ण खेलमा टोलीमा समावेश नगरिएका गोलकिपर किरण चेम्जोङ र मिडफिल्डर रोहित चन्द भने टोलीमा छन् । उक्त खेलको टोलीबाट एलन न्यौपाने र विमल रानाले अन्तिम २३ मा स्थान बनाउन सकेनन् । विराजलाई फिट नभएको भन्दै कालीनले अन्तिम टोलीमा राखेका थिएनन् ‌।

विश्व कप छनोटको तयारीमा रहेको नेपाल भदौ ९ गते मलेसियाली जोहार दारुल टा जिम एफसीसँग १-० ले पराजित भएको थियो । नेपालले विश्वकप छनोटको पहिलो खेल भदौ १९ गते कुवेत र २४ गते चाइनिज ताइपेसँग खेल्नेछ । दुवै खेल अवे मैदानमा हुनेछ ।

अनुभवी फरवार्ड भरत खवासले पनि वैदेशिक आर्मी प्रशिक्षणमा रहेका कारण टोलीमा छैनन् । कालिनले दोस्रो चरणमा रहेका ३१ जनाबाट मलेसियन क्लबसँगको मैत्रीपूर्ण खेलको लागि २३ सदस्यीय टोली घोषणा गरेका हुन् । सुवास गुरुङ, विमल पाण्डेय र त्रिदेव गुरुङले पनि टोलीमा स्थान बनाउन सकेनन् ।

नेपाली टोली
गोलकिपर – किरण चेम्जोङ, विकेश कुथु, विशाल श्रेष्ठ
डिफेन्डस -सरोज दाहाल, अजित भण्डारी, दीनेश राजवंशी, अनन्त तामाङ, देवेन्द्र तामाङ, रजिन धिमाल, सुमन अर्याल
मिडफिल्ड -रोहित चन्द, सुनिल बल, रवि पासवान, अन्जन विष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ, विशाल राई
फरवार्ड -विमल घर्तीमगर, अभिषेक रिजाल, नवयुग श्रेष्ठ