मनोरञ्जन शर्मा
भैरहवा– रुपन्देहीको पुरानो मध्येको एक लिस्नु कप फुटबल प्रतियोगिताको १९ औं संस्करण अर्को साता सुरु हुने भएको छ । आयोजक लिस्नु युवा क्लबले शनिबार पत्रकार सम्मेलन गर्दै प्रतियोगिता भदौ २१ गते असोज ३ गते सञ्चालन हुने जानकारी दिएको छ ।

प्रतियोगितामा यस पटक प्रदेश ५ का रुपन्देही, नवलपरासी, कपिलपस्तु, दाङ तथा गण्डकी प्रदेशको स्याङजा र प्रदेश ३ को चितवन जिल्लाको सहभागिता रहने लिस्नु क्लबका अध्यक्ष तिर्थ राज मल्लले जानकारी दिए ।

रुपन्देहीको कोटिहवास्थित पशुपति उच्च माविको मैदाननमा नकआउटका आधारमा सञ्चालन हुने प्रतियोगितामा १४ टोलीको सहभागिता रहनेछ । प्रतियोगिताको विजेताले ३ लाख ३ हजार ३ सय ३३ रुपैयाँ तथा दोस्रो हुने टोलीले १ लाख ५५ हजार ५ सय ५५ रुपैयाँ प्राप्त गर्नेछन् । सेमिफाइनल पुग्ने दुई टोलीले समान ५० हजार रुपैयाँ पाउने आयोजकले जनाएका छन् ।

विजेताको पुरस्कार राशी कुल प्रसाद गुरुङबाट प्रायोजन भएको प्रतियोगिता संयोजक नेम प्रसाद गुरुङले जानकारी दिए । गुरुङले आफ्ना स्वर्गिय माता पिता पवित्रा र सिंहवर गुरुङको सम्झानामा पुरस्कार राशी प्रायोजन गरेको बताएका छन् । बुबा आमाको नाममा फुटबल प्रतियोगितालाई सहयोग गर्न पाउँदा खुसी लागेको गुरुङले बताए ।

अब प्रतियोगिताको नाम ‘सिंहविर पवित्रा’ स्मृती औं १९ लिस्नु कप नक आउट फुटबल प्रतियोगिता हुने क्लबका सचिव मनोज क्षेत्रीले बताए । सचिव क्षेत्रीका अनुसार प्रतियोगिताको तयारी तिब्र रुपमा अघि बढेको र अन्य प्राोजक आउने क्रम पनि जारी रहेको बताए ।

पत्रकार सम्मेलनमा क्लबका पूर्व अध्यक्ष एबं तिलोत्तमा नगरपालिका वडा नम्बर १५ का वडा अध्यक्ष खेमराज गुरुङले रुपन्देहीकै प्रतिष्ठित एबं पुरानो प्रतियोगितामा स्थायित साधान श्रोतबाट सञ्चालन भइरहेको स्मरण गरे ।

छिमेकी जिल्लाका टोलीलाई एकतर्फ र अन्य जिल्लाका टोलीलाई दुई तर्फी गाडी भाडा आयोजकले उपलब्ध गराउने बताइएको छ । विदेशी खेलाडीलाई खेलाउन पाउने भएपनि स्थानियलाई प्राथमिकता दिनुपर्नेमा आयोजकको जोड रहेको छ । प्रतियोगितामा झन्डै साढे १६ लाख रुपैयाँ खर्च हुने अनुमान गरिएका प्रतियोगिताका आर्थिक संयोजक युवराज गुरुङले जानकारी दिए ।
प्रतियोगितामा आयोजक लिस्नु क्लब, रुपन्देही ठुटिपिपलको नवयुवा खेलकुद तथा सास्कृतिक परिवार, बुटवलको फुलबारी गाईज , रुपन्देहीको फर्साटिकर फुटबल क्लब, झरना स्पोर्टिङ क्लब, रुपन्देहीकै कुन्जलापुरले प्रतियोगितामा प्रतिस्पर्धा गर्नेछन् ।

नकआउटका आधारमा हुने प्रतियोगितामा कपिलवस्तु शिव नगरपालिकाको जय बुद्ध सामाजिक युवा क्लब, नवलपरासीको नवलपरासी ११ र देशभक्त युवा क्लब, दाङ घोराहिको युएनबिएल एकेडमी, स्याङजाको वालिङ नगरपालिका , चितवनका भरतपुर फुटबल क्लब र जु फुटबल क्लबले भाग लिने बताइएको छ ।

प्रतियोगिता पुस्कार
विजेता – ३ लाख ३३ हजार ३ सय ३३ रुपैयाँ
उपविजेता – १ लाख ५५ हजार ५ सय ५५ रुपैयाँ
सर्वोकृष्ट खेलाडी – २५ हजार रुपैयाँ
सर्वाधिक गोलकर्ता – ७ हजार रुपैयाँ
उत्कृष्ट गोलरक्षक – ७ हजार रुपैयाँ
राईजिङ प्लेयर– ५ हजार रुपैयाँ
हरेक खेलको म्यान अफ द म्याच -२ हजार ५ सय रुपैयाँ