एजेन्सी- प्रिमियर लिगमा साविक विजेता म्यानचेस्टर सिटीले उच्च प्रदर्शनलाई निरन्तरता दिने क्रममा शनिबारको खेल जितेको छ । शनिबार घरेलु मैदानमा सिटीले ब्राइटन एन्ड होभ अल्बियोनलाई ४–० को फराकिलो अन्तरले हराउँदै अपराजित यात्रालाई निरन्तरता दिएको छ ।

टोलीको जितमा सर्जियो अगुएरोले २ तथा केभिन डि ब्रुएन र बर्नान्डो सिल्भाले समान १-१ गोल गरे । खेल सुरु भएको ७० सेकेन्डमा नै सिटीले गोलको खाता खोलेको थियो । डेभिड सिल्भाको पासमा डि ब्रुएनले गोल गरेका थिए ।

डि ब्रुएनको पासमा इन्जुरी समयको ठिक अगाडि अगुएरोले गोल गरेका थिए । अगुएरोले ५५ औं मिनेटमा अर्को गोल गरे । परिवर्तित बर्नार्डो सिल्भाले ७९ औं मिनेटमा गोल गर्दै टोलीको गोलको अन्तर बढाएका थिए । ४ खेलमा ३ जित र १ बराबरीका साथ १० अंकसहित शीर्षस्थानमा रहेको छ । अल्बियोनको ४ खेलमा ४ अंक छ ।

प्रिमियर लिगमा शनिबारका अन्य खेलमा क्रिस्टिल प्यालेसले १–०, लेचेस्टर सिटीले एएफसी बोर्नेमाउथलाई ३–१, वेस्टह्याम युनाइटेडले नर्विच सिटलाई २–० ले हराएको थियो भने न्युक्यासल युनाइटेड र वार्टफोर्डबीचको खेल १–१ को बराबरीमा सकिएको थियो । चेल्सी सेफिल्ड युनाइटेडसँग २–२ को बराबरीमा रोकियो भने त्यसअघि म्यानचेस्टर युनाइटेड र साउथह्याम्पटनले १–१ को बराबरी खेलेका थिए ।