पीएसजीको दोस्रो हार

एजेन्सी – साविकक विजेता पेरिस सेन्ट जर्मेन (पीएसजी) घरेलु मैदानमै रेइम्ससँग स्तब्ध बनेको छ । पीएसजी रेइम्ससँग २–० ले स्तब्ध बनेको हो ।

लिग वानमा शुरुवाती ७ खेल सकिदा पीएसजीको यो दोस्रो हार हो । घरेलु मैदानमा पीएसजीले १६ महिनापछि हार बेहोरेको हो । पीएसजी यसअघि रेनिससँग २–१ ले पराजित भएको थियो ।

खेलको २९औं मिनेटमा हसाने कामराले गोल गर्दै पाहुना टोलीलाई अग्रता दिलाए । बल पोजेसनमा पकड जमाएपनि पीएसजीले रेइम्सको पोस्टमा कुनैपनि समय गतिलो आक्रमण बुन्न सकेन ।

इन्ज्युरी समयको थप गरिएको चौथो मिनेटमा बोउलाय डियाले गोल गर्दै घरेलु टोली पीएसजीलाई २–० ले स्तब्ध पारे ।

हारपछि पनि पीएसजी ७ खेलबाट १५ अंक जोडेर शीर्षस्थानमा रहेको छ । समान १५ अंक रहेपनि एन्जर्स गोल अन्तरमा दोस्रो स्थानमा छ । रेइम्स ११ अंक जोडेर आठौं स्थानमा उक्लिएको छ ।