5 years ago
September 28, 2019
काठमाडौं (हाम्रो खेलकुद)– राजुकाजी शाक्यले नेपाली फुटबलको लामो इतिहास बोकेको क्लबमध्येको एक क्लब न्यूरोड टिम (एनआरटी) बाट फुटबल प्रशिक्षण सुरु गरेका थिए । खेलाडी र प्रशिक्षक दुवै भूमिकामा २२ वर्षअघि एनआरटीको प्रशिक्षणमा सम्हालेका शाक्यले बीचमा अरु धेरै क्लबको प्रशिक्षण पनि सम्हाले । अब विस्तारै प्रशिक्षण जीवनको विट मार्ने क्रममा शाक्य फेरि एनआरटी फर्कने तयारीमा छन् […]
काठमाडौं (हाम्रो खेलकुद)– राजुकाजी शाक्यले नेपाली फुटबलको लामो इतिहास बोकेको क्लबमध्येको एक क्लब न्यूरोड टिम (एनआरटी) बाट फुटबल प्रशिक्षण सुरु गरेका थिए । खेलाडी र प्रशिक्षक दुवै भूमिकामा २२ वर्षअघि एनआरटीको प्रशिक्षणमा सम्हालेका शाक्यले बीचमा अरु धेरै क्लबको प्रशिक्षण पनि सम्हाले ।
अब विस्तारै प्रशिक्षण जीवनको विट मार्ने क्रममा शाक्य फेरि एनआरटी फर्कने तयारीमा छन् । एनआरटी आबद्ध हुने क्रममा रहेका शाक्य घर फर्कन लागेको अनुभव भइरहेको सुनाउँछन् । ‘एनआरटी त मेरो परिवार हो । १० वर्षभन्दा लामो समय एनआरटीलाई प्रशिक्षण दिइसकेको छु,’ उनले स्मरण गरे, ‘बीचमा केहि समय अन्य क्लबमा गए । अब फेरि एनआरटी जान लागेको छु । खुसी लागेको छ ।’
खेलाडीका रुपमा पनि शाक्यले एनआरटीको जर्सी लगाएका छन् । त्यसअघि अन्नपूर्ण क्लब र फ्रेन्ड्स क्लबबाट पनि उनले व्यवसायिक फुटबल खेले । सन् १९९७ मा बाट भने उनले एनआरटीमा खेलाडीका साथै प्रशिक्षकको भूमिका निर्वाह गरे । प्रशिक्षणका हिसाबले शाक्य नेपाली प्रशिक्षकमा उत्कृष्ट मध्येका मानिन्छन् । यद्दपी उनले कुनै क्लबलाई लिग जिताउन सकेका छैनन् ।
खेल जीवनमा देशका लागि स्वर्ण पदक दिलाउन नेपाली टोलीको कप्तानी गरेको शाक्यले नेपाललाई अर्को स्वर्ण पदक दिलाउने समयमा प्रशिक्षकको भूमिका निर्वाह गरेका थिए । सन् १९९३ मा नेपालले तत्कालिन दक्षिण एसियाली महासंघिय खेलकुद (साफ) हालको दक्षिण एसियाली खेलकुद (साग) मा स्वर्ण पदक जित्दा शाक्य टोलीको कप्तान थिए ।
त्यहि सागको १२ औं संस्करणमा नेपालले स्वर्ण पदक जित्न शाक्य प्रशिक्षक थिए । यद्दपी, उनी कप्तान हुँदा नेपालको सिनियर टोलीले खेल्थ्यो भने सागको नवौं संस्करणपछि यू २३ टोलीबीच प्रतिस्पर्धा भएको थियो । देशका लागि सफलता दिलाइसकेका शाक्यले क्लबलाई भने सोचे अनुरुपको सफलता दिलाउन सकेका छैनन् ।
६० वर्षे शाक्य भन्छन्, ‘अझै हिम्मत हारेको छैन । अब प्रशिक्षण जीवनको पनि विट मार्ने क्रममा आइपुगेको छु । एक पटक टोलीलाई लिग च्याम्पियन बनाउने सपना अझै छाडेको छैन ।’ एनआरटीपछि केहि समय त्रिभुवन आर्मी क्लब हेरेका शाक्य सन् २०११ मा पुनः एनआरटी फर्केका थिए । त्यसपछि मच्छिन्द्र क्लब, सिएमजी क्लब संकटा, २०७२ मा सिग्नेचर मनाङ मस्र्याङ्दी क्लब हुँदै शाक्यले पछिल्लो वर्ष च्यासल युथ क्लबको बागडोर सम्हालेका थिए ।
तर, उनले कुनै क्लबमा लिग जिताउन सकेनन् । अबको एनआरटीलाई लिग च्याम्पियन बनाउनुछ । ‘क्लबमा सबै चिज भएर पनि सोचे जस्तो सफलता मिल्छ भन्ने छैन,’ उनले भने, ‘सायद मलाई लिग च्याम्पियनको लागि भाग्यले साथ दिएको छैन कि ? तर पनि मेरो प्रयास अन्त्यसम्म पनि जारी रहन्छ ।’ मंसिर अन्तिमका लागि तय भएको ए डिभिजन लिग आयोजना हुँदा एनआरटीले च्याम्पियन बन्ने लक्ष्यका साथ तयारी गरिरहेको बताइएको छ ।
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]