एजेन्सी – स्पेनीस ला लिगाको म्याड्रिड डर्वी गोलरहित बराबरीमा सकिएको छ । रियाल म्याड्रिडले घरेलु टोली एट्लेटिको म्याड्रिडलाई दवावमा राखेपनि गोलरहित बराबरी खेल्दै अंक बाँडेको हो ।

वान्डो मेट्रोपोलिटानोमा शनिबार राति भएको खेलमा दुवै टोलीले गोलका केही सुन्दर मौका खेर फाल्दा बराबरीमा रोकिन पुगेको हो ।
खेलको आठौं मिनेटमा डिएगो कोस्टाको पासमा युवा जोआओ फेलिक्सको प्रहार फितलो बनेको थियो ।

१८औं मिनेटमा नाचो फर्नान्डेजको पासमा ग्यारेथ बेलको प्रहार क्रसबारबाट थोरै बाहिरिदा रियालले खेलमा अग्रता लिनबाट चुकेको थियो । ३०औं मिनेटमा किरियन ट्रिपिएरको प्रहारले गोलरक्षक थिवाउट कोर्टुवाले बचाए ।

३८औं मिनेटमा जान ओब्लाकले टोनी क्रुसको प्रहार विफल पारिदिए । ४०औं मिनेटमा ओब्लाकले क्रुसकै प्रहार विफल पारिदिए । ४४औं मिनेटमा ट्रिपिएरको प्रहारलाई कोर्टुवाले जोगाउदा पहिलो हाफ गोलरहित बराबरीमा सकिएको थियो ।

४९औं मिनेटमा डिएगो कोस्टाको प्रहारलाई कोर्टुवाले बचाए । ५५औं मिनेटमा रोनन लोडी विट भइसकेकै अवस्थामा करिम बेन्जिमाले गोल गर्न सकेनन् । लगत्तै बेलले गोलको मौकालाई सदुपयोग गर्न सकेन ।

७२औं र ७५औं मिनेटमा एट्लेटिकोका गोलरक्षक ओब्लाकले दुई सम्भावित गोललाई विफल पारिदिए । त्यसपछि थप गोल निस्कन नसक्दा खेल गोलरहित बराबरीमा सकियो ।

बराबरीसँगै अपराजित रहेको रियाल सात खेलमा १५ अंक जोडेर शीर्षस्थानमा यथावत रहेको छ । दोस्रो स्थानमा रहेको ग्रानडाको १५ अंक छ । समान १४ अंकरहेपनि एट्लेटिको तेस्रो स्थानमा छ । १३ अंकसहति बार्सिलोना चौथे स्थानमा छ ।