काठमाडौं (हाम्रो खेलकुद) – अखिल नेपाल फुटबल संघ (एन्फा) ले विविध शीर्षकमा पुरस्कार जितेका खेलाडी, रेफ्री तथा प्रशिक्षक लगायतलाई आज पुरस्कार हस्तान्तरण गरेको छ ‌।

अष्ट्रेलियामा हुने विश्वकप छनोटको खेलका लागि प्रस्थान गर्ने बिदाइ कार्यक्रममा राष्ट्रिय खेलकुद परिषद्का सदस्य सचिव रमेशकुमार सिलवाल, एन्फा अध्यक्ष कर्मा छिरिङ शेर्पा लगायतले पुरस्कार हस्तान्तरण गरे । सबै पुरस्कार वितरण गरेपनि २ वर्षदेखि बाँकी रहेको साफ यू-१८ च्याम्पियन्सिपको उपाधि जितेको टोलीको पुरस्कार भने वितरण भएन । यद्यपि गतसाता मात्र समूह चरणबाट बाहिरिएको यू-१८ टोलीलाई भने नगद पुरस्कार वितरण गरियो ।

एन्फाले वितरण गरेको पुरस्कारहरु:

विश्वकप छनोटको दोस्रो खेलमा ताइपेइलाई पराजित गरेको टोलीको सदस्य – जनही नगद रु २५ हजार ।

भारतकाे कलकत्तामा सम्पन्न साफ यू-१५ उपविजेता टोलीलाई जनही २५ हजार

साफ यु१८ च्याम्पियन्सिप २०१९ : जनही १० हजार

नादेझ्दा कप (महिला राष्ट्रिय टोली) – जनही ५० हजार रुपैयाँ

सहिद स्मारक ए डिभिजन लिगका उत्कृष्ट (पल्सर बाइक र ५० हजार)

गाेलरक्षक विशाल श्रेष्ठ (मनाङ)

डिफेन्डर – रन्जित धिमाल (थ्रीस्टार)

मिडफिल्डर – हेमन गुरुङ (मनाङ)

फरवार्ड – भरत खवास (आर्मी)

प्रशिक्षक – सुमन श्रेष्ठ (मनाङ)

उदीयमान खेलाडी – विकास खवास १ लाख (आर्मी)

एन्फा डे –

मोरङ जिल्ला – १ लाख

क्लब मनाङ – १ लाख

पुरुष रेफ्री – लव खत्री स्कुटर १ लाख

महिला रेफ्री – अस्मिता मानन्धर स्कुटर र १ लाख

उदीयमान खेलाडी – अभिषेक रिजाल र मन्जली कुमारी याेन्जन (स्कुटर)

अन्तर्राष्ट्रिय प्रदर्शन – किरण र राेहित चन्द

प्रशिक्षक – हरि खड्का

लाइफ टाइम – पुर्व प्रशिक्षक भगिरथ आले मामा ३ लाख ५० हजार र १ माेटरसाईकल

गतवर्षकाे उत्कृष्ट खेलाडी – अनु लामा र जुमानु राई जनही १५ लाख