पेरिस (एजेन्सी) -विश्व कप विजेता जर्मनी र पोल्यान्डले जितका साथ युरोपियन च्याम्पियनसिपको यात्रा सुरु गरेका छन् । समूह सीमा जर्मनीले युक्रेनलाई २–० तथा पोल्यान्डले नर्दन आयरल्यान्डलाई १–० ले हराएको थियो ।
गोल गरेपछि बास्टियन स्वान्सटाइगर ।
जर्मनीको जितमा सर्कोडान मुस्तफी र चोटमुक्त भएर फर्केका बास्टियन स्वान्सटाइगरले गोल गरेका थिए । टोनी क्रुसको फ्रिकिकमा हेडमार्फत मुस्तफीले हेडमार्फत पहिलो गोल गरेपछि जोचिम लोको टोलीले १९ औं मिनेटमा खेलमा अग्रता लिएको थियो । मुस्तफीको त्यो पहिलो अन्तर्राष्ट्रिय गोल हो । युक्रेनले खेलमा फर्कने केही राम्रा अवसर पाएर पनि गोल फर्काउन सकेन ।
गोलकिपर म्यानुयल नुयोरले दुई पटक युक्रेनको आक्रमणलाई विफल पार्दै टोलीको अग्रतालाई जोगाएका थिए । येभहेन कोनापेल्न्का र येभहेन काचिरिडीको प्रहारलाई नुयोरले रोक्नुअघि जेरोमी बोयटेयेभहेन कोनापेल्न्का र येभहेन काचिरिडीको प्रहारलाई नुयोरले रोक्नुअघि जेरोमी बोयटेङले कोनापेल्न्काको प्रयासलाई गोललाईनबाट जोगाएका थिए ।
इन्जुरी समयको दोस्रो मिनेटमा स्वान्सटाइगरले गोल गर्दै टोलीको जित पक्का गरेका थिए । काउन्टर एट्याकमा मेसुज ओजितको क्रसलाई भलिमा उनले गोल गरेका थिए । र्माच २२ मा अभ्यासका दौरान उनी घाइते भएका उनी अन्तिम मिनेट मैदान प्रवेश गरेका थिए । उनले आफु अझै ९० मिनेटकै लागि खेल्न तयार भइनसकेको बताएका छन् । उनले भने यो खेलमा पाँच मिनेट खेले अर्कोमा अलि बढी खेल्न सक्छु होला । खेलका म्यान अफ द म्याच क्रुजले हामी जसरी खेल जित्न चाहेका थियौं त्यसरी नसकेपछि त्यसको बाटोमा रहेको बताएका छन् ।
नर्दन आयरल्यान्डलाई हराएपछि पोल्यान्डका खेलाडी ।
त्यसअघि समूहको अर्को खेलमा एर्काडिउज मिलिकको गोलमा पोल्यान्८ले नर्दन आयरल्यान्डलाई हराएको थियो । ज्याकुब ब्लाजिकोवस्को पासमा मिलिकले ५१ औं मिनेटमा गोल गरेका थिए ।
जुन १६ मा युक्रेन र नर्दन आयरल्यान्ड तथा जर्मनी र पोल्यान्डबीच प्रतिस्पर्धा हुनेछ ।
