गोल गर्ने क्रममा स्पेनका जेरार्ड पिके ।
पेरिस (एजेन्सी)– स्पेनले लगातार तेस्रो पटक युरोपियन च्याम्पियनसिप उपाधि जित्ने अभियानको सुरुआत जितबाट गरेको छ । समूह डी अन्तर्गको खेलमा स्पेनले चेक गणतन्त्रलाई १–० ले हराउँदै विजयी सुरुआत गरेको हो । गोल भने बार्सिलोनाका रक्षक जेरार्ड पिकेले खेलको अन्त्यतिर गरेका थिए ।
८७ औं मिनेटमा पिकेले हेडमार्फत गरेको गोल नै खेलको निर्णायक बन्यो पछिल्लो दुई संस्करणको विजेताले तीन अंक जाड्यो । बराबरीतर्फ उन्मुख खेलको अन्त्यतिर बार्सिलोनाकै आन्द्रे इनियस्टो निकालेको क्रममा पिकेले हेड गर्ने अवसर पाएका हुन् ।
मिडफिल्डर डेभिड सिल्भाको सर्यौ अन्तराष्ट्रिय खेलमा स्पेनको गोलपोस्टको जिम्मा म्यानचेस्टर युनाइटेडका डेभिड डि जियाले पाएका थिए ।
जुन १७ मा स्पेनले टर्की र चेक गणतन्त्रले क्रोएसियासँग खेल्नेछ ।
गोलपछि खुसी मनाउँदै स्पेनका खेलाडी ।
