काठमाडौं (हाम्रो खेलकुद)–दशरथ रंगशालामा नयाँ शक्तिको घोषणा सभाका कारण दुई दिन स्थगित ललित स्मृति यु १८ फुटबल प्रतियोगिता आज पुनः सुरु हुँदैछ । नयाँ शक्तिले जेठ ३० गते रंगशालामा पार्टी घोषणा कार्यक्रम राखेपछि एन्फाले दुई दिन प्रतियोगिता स्थगित गरेको थियो । रंगशालामा आज दिउँसो ४ बजे हुने समूह बीअन्तर्गतको खेलमा त्रिभुवन आर्मी क्लब र जाउलाखेल युथ क्लबबीच प्रतिस्पर्धा हुनेछ । लुम्बिनी समूहको अर्को टोली हो ।
प्रतियोगिता उद्घाटन जेठ २९ गते एन्फा कम्प्लेक्स सातदोबाटोमा भएको थियो । समूह ए अन्तर्गतको त्यो पहिलो खेलमा लक्ष्मी हुन्डाई मनाङ मस्र्याङ्दी र एपिएफले २–२ को बराबरी खेलेका थिए ।
अखिल नेपाल फुटबल संघ (एन्फा) ले आफ्नो कार्यवहाक अध्यक्ष ललितकृष्ण श्रेष्ठको स्मृतिमा प्रतियोगिता आयोजना गरेको हो । श्रेष्ठको गतबर्ष जेठ २९ गते करेन्ट लागेर मृत्यु भएको थियो ।
प्रतियोगितामा ८ ए डिभिजन र ४ काठमाडौं बाहिरका गरि १२ टोलीको सहभागिता रहेको छ । सहभागी टोलीलाई ४ समूहमा विभाजन गरि लिगकम नकआउटका आधारमा प्रतिस्पर्धा गराइएको छ । समूहका शीर्ष दुई टोली क्वार्टरफाइनल पुग्नेछन् ।
