काठमाडौँ, ३२ जेठ
ललित स्मृति यु-१८ फुटबल प्रतियोगिता २०७३ अन्तर्गत मंगलबार सातदोबाटो स्थित एन्फा कम्प्लेक्समा भएको खेलमा त्रिभुवन आर्मी क्लबले जावलाखेल युथ क्लबलाई २-१ले पराजित गरेको छ|
सुशान्त चौधरीको २५औं मिनेटको गोलले अग्रता लिएको जावलाखेलले पहिलो हाफको अन्तिम मिनेटमा अग्रता गुमायो| आर्मीका कप्तान अभिषेक रिजालको हेडिंगलाई गोलकिपरले रोक्न सकेनन र ४५औं मिनेटमा खेल १-१ भयो| दोश्रो हाफमा थप आक्रामक देखिएको जावलाखेलको आक्रमण निस्तेज पर्दै गोलरक्षक अर्पण कार्कीले आर्मीलाई १-१को स्थितिमा राखे| खेलको ८०औं मिनेटमा सुमन अर्यालको क्रसलाई सदुपयोग गर्दै हेड मार्फत गोल गर्दै प्रेजेन तामाङले आर्मीको जित पक्का गरे|
जितसंगै आर्मीका प्रशिक्षक चक्र तामाङले खेलाडीहरु चाहे भन्दा बढी आत्मविश्वास लिएर खेलेकाले राम्रो प्रदर्शन गर्न नसकेको बताए| अब खेल संगै प्रदर्शनमा पनि क्रमिक सुधार आउने तामाङले बताए|
जावालाखेलक प्रशिक्षक नरेश थापाले भने आफ्नो टोलीको फिटनेस राम्रो नहुनाले हार व्येहोरेको बताए| अन्तिम समयमा खेलको पकड गुमेको कारण खेल हरेको उनले स्पष्टोक्ति दिए|
