भरतपुर (हाम्रो खेलकुद)– ए डिभिजन प्रतिद्वन्द्वि जावलाखेल क्लबविरुद्ध रोमाञ्चक जित हात हासिल गर्दे सिएमजी क्लब संकटा टुबोर्ग जेसीज विकास रनिङ शिल्ड राष्ट्रिय फुटबल प्रतियोगिताको सेफिाइनलमा पुगेको छ । संकटाले अब फाइनल प्रवेशका लागि नेपाल पुलिस क्लबको सामना गर्नेछ ।

नारायणगढको क्याम्पाचौरमा जारी प्रतियोगितामा मंगलबार निकै प्रतिस्पर्धात्मक खेलमा संकटाले जावलाखेललाई टाइब्रेकरमा ४–२ गोलअन्तर हराउँदै अन्तिम चारमा पुगेको थियो । निर्धारित समय १–१ को बराबरीमा टुंगिएपछि संकटाले टाइब्रेकरमा बाजी पारेको थियो । जावलाखेलका विमल घिसिङको प्रहार संकटाका गोलकिपर राजाबाबु थापाले रोकेपछि जावलाखेल उपाधि यात्राबाट बाहिरिएको थियो ।

निर्धारित समय खेल अधिकांश समय संकटाले नियन्त्रण कायम गरेको थियो । विश्वास श्रेष्ठले १५ औं मिनेटमा गोल गर्दै संकटालाई अघि बढाएको थियो । त्यसपछि पाएका कयौं मौका गुमाएको जावलाखेलले बराबरी गर्न इञ्जुरी समयसम्म कुर्नुप¥यो । विमल घिसिङले इञ्जुरी समयमा गोल गर्दै जावलाखेललाई खेलमा फर्काएका थिए ।

संकटाका गोलकिपर राजाबाबु थापा म्यान अफ दी घोषित भए र १० हजार रुपैयाँ प्राप्त गरे । यो सँगै सेमिफाइनल समिकरण पुरा भएको छ । बुधबार पहिलो सेमिफाइनल त्रिभुवन आर्मी क्लब र गृह टोली चितवन ११ बीच हुनेछ । चितवन जिल्ला फुटबल संघ सअआयोजक रहेको प्रतियोगिताको विजेताले ६ लाख ६ हजार ६ सय ६६ र दोस्रो टोलीले ३ लाख ३ हजार ३ सय ३३ रुपैयाँ प्राप्त गर्नेछ ।