4 years ago
December 13, 2019
सुबास हुमागाईं, काठमाडौं ब्रिगेड ब्वाइज क्लब (बीबीसी) ले गत सिजन ‘रेलिगेसन बिनाको लिग’ मा तत्कालिन यू-१६ राष्ट्रिय टोलीको लगभग सबै खेलाडीलाई अनुबन्ध गर्दै ए डिभिजन लिगमा उतार्यो । युवा खेलाडीलाई शीर्ष श्रेणीको फुटबलमा अवसर दिएर बीबीसीले प्रयोग गरेको थियो । लिगको अन्तिम तालिका हेर्ने हो भने नतिजाको हिसाबले उक्त प्रयोग सफल रहयो । प्रदर्शनको हिसाबमा […]
ब्रिगेड ब्वाइज क्लब (बीबीसी) ले गत सिजन ‘रेलिगेसन बिनाको लिग’ मा तत्कालिन यू-१६ राष्ट्रिय टोलीको लगभग सबै खेलाडीलाई अनुबन्ध गर्दै ए डिभिजन लिगमा उतार्यो । युवा खेलाडीलाई शीर्ष श्रेणीको फुटबलमा अवसर दिएर बीबीसीले प्रयोग गरेको थियो ।
लिगको अन्तिम तालिका हेर्ने हो भने नतिजाको हिसाबले उक्त प्रयोग सफल रहयो । प्रदर्शनको हिसाबमा क्लबले अपेक्षा गरेभन्दा राम्रो प्रतिफल पायो । यू-१८ लिगमा क्लबका लागि खेलेका खेलाडीलाई नै समेट्दै बीबीसीले लिगको टोली घोषणा गरेको थियो । यस सिजन पनि बीबीसीले तिनै खेलाडीलाई टोलीमा राखेको छ । फरक यति छ कि यसपटक क्लबले केहि अनुभवी खेलाडी थपेको छ ।
यसपटक बीबीसीमा राष्ट्रिय टोलीका पूर्वकप्तान अनिल गुरुङ, राष्ट्रिय टोलीबाट लामो समय खेलेका मिडफिल्डर विजय गुरुङ र घरेलु लिगका अनुभवी मिडफिल्डर उत्तम गुरुङलाई टोलीमा समावेश गरेको छ । विजयले केहि साताअघि मात्र नेपाली राष्ट्रिय फुटसल टिमको समेत कप्तानी सम्हालेका थिए । तीनै खेलाडीलाई क्लबले युवा जोश र प्रतिभा बोकेका खेलाडीलाई मार्गदर्शन दिनुका साथै प्रदर्शनमा सुधार ल्याउने लक्ष्यसहित भित्र्याएको हो ।
क्लबले यस सिजन कप्तानको जिम्मवारी अनिललाई सुम्पिएको छ । अनिलले ब्रिगेड ब्वाइजमा खेलेर नै आफ्नो करिअरको सुरुवात गरेका थिए । एक सिजन बीबीसीबाट खेलेपछि थ्री स्टारमा जमेका अनिलले मनाङबाट पनि खेले । एनआरटिको आक्रमण सम्हाल्न पुगेको अर्को सिजन अनिलले आईलिगमा सिलोङ लाजोङको लागि समेत खेले । त्यहाँबाट फेरी उनी मनाङ आएर लामो समय क्लबको कप्तानको रुपमा घरेलु फुटबलमा देखिए । गत सिजन थ्री स्टार पुगेका उनले अन्तत: बीबीसीमै फर्कने निर्णय लिए ।
अनिलले अन्य क्लबबाट प्रस्ताव आएपनि बीबीसी नै फर्कनु उचित निर्णय लागेको बताए । ‘मलाई अन्य क्लबबाट पनि प्रस्ताव आएको थियो । तर मेरो लागि बीबीसी नै उचित गन्तव्य हो भन्ने लाग्यो । मैले मेरो करिअर यहाँबाट नै सुरु गरेको हुँ । अहिले यहाँ थुप्रै युवा तथा प्रतिभावान खेलाडी छन् । उनीहरुलाई पनि केहि सहयोग पुग्छ भन्ने विश्वास मैले लिएको छु,’ उनले भने ।
अनिलले टोलीमा रहेको युवा खेलाडीबाट निकै प्रभावित भएको बताए । ‘ मैले प्रशिक्षणका क्रममा खेलाडीको प्रदर्शन निकै राम्रो पाएको छु । मलाई लाग्छ यस टोलीबाट धेरै खेलाडी राष्ट्रिय टोलीबाट खेल्न सक्छन् । तत्काल हेर्ने हो भने अब आउने सागका लागि टोलीमा पर्ने क्षमता बोकेका खेलाडी यसै टोलीमा छन्,’ उनले थपे ।
अघिल्लो सिजन थ्री स्टारबाट खेलेका अनिलले लिगमा खासै अवसर पाएनन् । यसपटक भने उनले बीबीसीको कप्तानी गर्दै आक्रमण सम्हाल्नेछन् । उनीसँग विजय गुरुङ, शिशिर लेखि, जय गुरुङ, उत्तम गुरुङ, व्रिजेश चौधरी, ऋतिक खड्का लगायत खेलाडी साथ हुनेछन् । उनले आफ्नो खेलमात्र हैन युवा खेलाडीहरुलाई पनि उकास्न थप मिहिनेत गर्नुपर्नेछ ।
बीबीसीले लिगको पहिलो खेलमा नै उपाधिको बलियो दावेदारको रुपमा हेरिएको मछिन्द्रको सामना गर्दैछ । पहिलो खेलमा नै दवावमुक्त रहने बीबीसीको सामु सुखद सुरुवात गर्ने अवसर छ । यसमा अनिल र उनीसँग रहेका युवा खेलाडीको प्रदर्शन कस्तो रहनेछ, त्यसले नै बीबीसीको माथिल्लो हाफमा रहने लक्ष्य कहाँ पुग्ने हो भन्ने छनक दिनेछ ।
April 24, 2024
एजेन्सी – आर्सनलले इंग्लिस प्रिमियर लिगमा ३ अंकको स्पष्ट अग्रता लिएको छ। चेल्सीलाई मंगलबार ५-० ले हराउँदै आर्सनलले दोस्रो स्थानको लिभरपुललाई ३ अंकले पछि छाडेको छ । आर्सनलको ७७ अंक छ । लिभरपुलले एक खेल कम खेलेको छ भने २ खेल कम खेलेको तेस्रो स्थानको म्यानचेस्टर सिटी ७३ अंक छ।एफए कपको सेमिफाइनलमा सिटी सँग पराजित […]
April 23, 2024
सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]
April 23, 2024
हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]