4 years ago
December 24, 2019
काठमाडौं (हाम्रो खेलकुद)– अखिल नेपाल फटुबल संघ (एन्फा) ले जारी कतार एयरवेज सहिद स्मारक ‘ए’ डिभिजन लिगमा दर्शक सङ्ख्या बढाउन विशेष प्याकेज घोषणा गरेको छ । लिगको दोस्रो राउन्डको खेल सकिदा पनि दर्शकमा लिगको क्रेज नदेखिएपछि एन्फाले विशेष प्याकेजको घोषणा गरेको हो । लिगको ९१ खेलमध्ये १४ खेल सकिदा कुनै पनि खेलमा उल्लेख्य दर्शक खेल […]
काठमाडौं (हाम्रो खेलकुद)– अखिल नेपाल फटुबल संघ (एन्फा) ले जारी कतार एयरवेज सहिद स्मारक ‘ए’ डिभिजन लिगमा दर्शक सङ्ख्या बढाउन विशेष प्याकेज घोषणा गरेको छ ।
लिगको दोस्रो राउन्डको खेल सकिदा पनि दर्शकमा लिगको क्रेज नदेखिएपछि एन्फाले विशेष प्याकेजको घोषणा गरेको हो ।
लिगको ९१ खेलमध्ये १४ खेल सकिदा कुनै पनि खेलमा उल्लेख्य दर्शक खेल हेर्न रंगशाला पुगेका छैनन् । दशरथ रंगशाला, त्रिपुरेश्वर र एन्फा कम्प्लेक्सको खेल मैदानमा दर्शकलाई अझ बढी आकर्षित गर्न एन्फाले दर्शकहरुको लागि आकर्षक उपहार प्रदान गर्ने निर्णयक गरेको लिग समितिका निर्देशक सन्जीव मिश्रले पत्रकार सम्मेलनमा बताए ।
आकर्षक उपहार लिगको तेस्रो राउन्डदेखि अन्तिम राउन्डसम्म दुई किसिमको आर्षक पुरस्कार गोलाप्रथाबाट हुनेछ । एक खालको पुरस्कार हरेक राउन्डको खेलपछि र अर्को पुरस्कार लिगकोसमाप्ति पछि घोषणा गरिने एन्फाले जनाएको छ । दशरथ रंगशालामा साधारणतर्फ २ सय र भिआइपी प्यारापिटतर्फ एन्फाले ५ सय रुपैयाँ टिकट दर तोकेको छ ।
प्रत्येक राउन्डको समाप्तिपछि साधारण प्याराफिटतर्फको टिक खरिद गर्ने विजयी २ जनालाई आकर्षक पुरस्कार प्रदान गरिने छ । भिआइपीतर्फको गोलाप्रथामा विजयी ५ जनालाई नेपालको राष्ट्रिय टोलीको जर्सी प्रदान गरिनेछ । यसरी तेस्रोदेखि अन्तिम राउन्डसम्म २७५ जना दर्शक पुरस्कृत हुनेछन् ।
यस्तै प्रतियोगिता समाप्तपछि साधरणतर्फको १ जना र भीआइपीतर्फको २ जना दर्शकलाई नेपाली राष्ट्रिय टिमसँग विदेश भ्रमणको अवसर प्रदान गरिनेछ । यस्तै साधरण प्याराफिटतर्फको १० जना र भीआइपीतर्फको १५ जनालाई विश्वकप छनोट अन्तरगतको नेपाल र अष्ट्रेलियाबीचको तथा नेपाल र चाइनिज ताइपेइबीको खेलको भीआइपीतर्फको टिकट उपलब्ध गराइने एन्फाले जनाएको छ ।
यस्तै साधारण प्याराफिटतर्फको ५० जना र भीआइपीतर्फको ५० जनालाई विश्वकप छनोट अन्तरगतको नेपाल र अष्ट्रेलियाबीचको तथा नेपाल र चाइनज ताइपेइबीको खेलको साधरणतर्फको टिकट उपलब्ध गराइने छ । स्कुल डे«समा समूहगत रुपमा आउने विद्यार्थी दर्शकको लागि टिकटमा ५० प्रतिशत छुट गराउने एन्फाले निर्णय गरेको छ ।
लिगमा दुई चरणको खेल सकिदा जम्मा ५ लाख रुपैयाँ संकलन भएको बताइएको छ । लिग निर्देशक मिश्रका अनुसार पहिलो चरणका खेलमा २ लाख र दोस्रो ३ लाख रुपैयाँ संकलन भएको थियो ।
April 30, 2024
सुबास हुमागाईं, काठमाडौं अखिल नेपाल फुटबल संघ (एन्फा) ले अर्को साता बेलायतमा (यूके) मा हुने मैत्रीपूर्ण खेलका लागि २३ खेलाडी र ७ टिम अफिसियलसँगै अन्य ५ भीआइपी र १५ जनाको लागि भिसा प्रक्रियाका लागि अनुरोध गरेको तथ्य आएको छ । एन्फाले टोलीमा रहेका ३० जनाबाहेक अन्य २० जनाको भने खर्च नबेहोर्ने जनाएको छ । आफ्नै […]
April 30, 2024
एजेन्सी – युरोपेली च्याम्पियन्स लिगको सेमिफाइनलको पहिलो लेगमा आज स्पेनिश टोली रियल म्याड्रिड र जर्मन टोली बायर्न म्युनिख भिड्दै छन् । बायर्नको घरेलु मैदान आलियान्ज अरिनामा हुने खेल राती १२:४५ बजे सुरु हुनेछ । यी दुई टोली पछिल्लो पटक २०१८ को च्याम्पियन्स लिग सेमिफाइनलमा र २०१७ को क्वाटरफाइनलमा एकअर्का सँग भिडेका थिए । दुवै पटक […]
April 30, 2024
काठमाडौं (हाम्रो खेलकुद) – नेपाली राष्ट्रिय फुटबल टोली भिसा नभएका कारण बेलायत भ्रमणका लागि उड्न पाएको छैन । अखिल नेपाल फुटबल संघ (एन्फा) ले सोमबार टोलीलाई भव्य समारोहबीच बिदा गरेपनि टोली भिसा नभएको कारण उड्न नपाएको हो । भिसा नआएका कारण मंगलबार विहान ९ बजे उड्ने भनिएको टोली निर्धारित उडान समयसम्म पनि होटेलमै रहेको छ […]