काठमाडौं (हाम्रो खेलकुद)– मनाङ मस्र्याङ्दी क्लबले राजधानीमा जारी कतार एयरवेज सहिद स्मारक ए डिभिजन लिगमा बिहीबार ब्रिगेड ब्वाइज क्लबविरुद्ध पहिलो हाफमा १–० को अग्रता लिएको छ ।
एन्फा कम्प्लेक्स सातदोबाटोमा भएको खेलमा मनाङले खेलको २५ औं मिनेटमा जगतिज श्रेष्ठको गोलबाट अग्रता लिएको छ। मपनेटमा भिडाल लुइसको प्रहार डिफ्लेक्ट भएपनि जगजितले वान टचमा गोल गरेका थिए । राष्ट्रिय टोलीका पूर्व सदस्य जगजित लिगकै लागि अष्ट्रेलियाबाट स्वदेश फर्केका हुन् । मनाङले सुरुवाती दुवै खेल जितेको थियो ।
बिबिसीले पनि खेलको सुरुमै अग्रताको मौका पाएको थियो , तर सफल हुन सकेन । खेलको तेस्रो मिनेटमा बिबिसीका कप्तान अनिल गुरुङको प्रहार पोस्ट नजिकबाट बाहिरियो । मनाङले पनि केहि अवसर खेर फाल्यो । २३औं मिनेटमा मनाङका विमल रानाले वान टु वानमा गोल गर्नबाट चुके । २५औं मिनेटमा विमलको अर्को प्रहार गोलकिपरले सहजै बचाए ।
अघिल्लो वर्ष लिग जित्दाका अधिकांश खेलाडीले क्लब छाडेपनि मनाङले आफ्नो पुरानो छविलाई निरन्तरता दिदै लगातार दोस्रो जित निकाल्न सफल भएको छ । मनाङले यसअघि भएको पहिलो खेलमा एपीएफलाई २–० तथा आर्मीलाई १–० गोल अन्तरले पराजित गरेको थियो ।
