लमजुङ (हाम्रो खेलकुद)- आयोजक त्रिवेणी युवा क्लब ‘निलो’ र सामना युथ क्लब तुरतेरे तनहुँ लमजुङमा जारी जिल्लाको सर्वाधिक धनराशिको २८औं संस्करणको त्रिवेणी कप खुल्ला राष्ट्रिय पुरुष फुटबल प्रतियोगितामा वियजी भएको छ । सदरमुकाम बेशिसहरस्थित सहजी खेल मैदानमा सोमबार त्रिवेणी निलोले काठमाडौं अनुशाषित ब्वाइज क्लब (एबीसी) लाई २–१ ले पराजित गर्दै अघिल्लो चरणमा पवेश गर्न सफल भएको हो । सामनाले आयोजक त्रिवेणी पहेँलोलाई २–० ले हरायो ।

अर्काे खेलमा क्ह्लोलासोथार गाँउपालिका लमजुङले नासाटार युथ क्लबमाथि तनहुँमाथि २–० कै जित निकाल्दै अघिल्लो चरणमा पुग्न सफल भयो । नवआदर्श युथ क्लब सहजीले न्यु शान्ति क्लब बेशीशहरलाई २–० ले नै पाखा लगायो । प्रतियोगितामा मंगलबार चार खेल हुनेछ ।

पहिलो खेलमा सुन्दर बजार युथ क्लब र समाज कल्याण काठमाडौं, दोस्रो खेलमा एक्टिभ गोरखा ट्रेनिङ सेन्टर र श्री भगवती युथ काठमाडौं, क्ह्लोलासोथार गाँउपालिका र दोर्दी गाउपालिका तथा लमजुङ मस्र्याङ्दी युथ क्लब र नव आदर्श युथ क्लबबीच खेल हुनेछ । चार खेल हुनेछ ।

राष्ट्रव्यापी प्रतियोगितामा देशभरका २० क्लबले प्रतिस्पर्धा गरिरहेका छन् । प्रतियोगिताको विजेताले ३ लाख र दोस्रो हुनेले १ लाख ५० हजार रुपैया हात पार्नेछन् । सेमिफाइनलमा पराजित हुने दुई टोलीले समान ५० हजार पाउनेछन् । सर्वाधिक गोलकर्ता र सर्वोकृष्ट खेलाडीले जनही १५–१५ हजार हात पार्नेछन् ।