काठमाडौं (हाम्रो खेलकुद) – प्रभु जावलाखेल युथ क्लबले कतार एयरवेज सहिद स्मारक ए डिभिजन लिग अन्तर्गत मंगलबारको खेलमा च्यासल युवा क्लबलाई २-० ले पराजित गरेको छ ।

खेलकाे नवाैं मिनेटमा नीर बहादुर आलेकाे प्रहार पाेस्टबाट थाेरै बाहिरिदा जावलाखेलले खेलमा अग्रता लिने माैका गुमायाे । ३४ अाैं मिनेटमा सुनिल बलकाे फ्रिकिकमा छिरिङ गुरुङले अवसर पाएपनि उनकाे हेडर आफैंले डिफेन्स गरिदिदा च्यासल अग्रता लिनबाट चुक्याे । ४१ अाैं मिनेटमा च्यासलका सन्ताेष साहुखलकाे पेनाल्टी बक्सबाहिरकाे प्रहार आकासियाे ।

५१ अाैं मिनेटमा झन्डै २५ यार्डबाट गरेकाे फ्रिकिक प्रहार क्रसबारबाट थाेरै बाहिरिदा च्यासल अग्रता लिनबाट चुक्याे । ५८ अाैं मिनेटमा रुप बहादुर लामाकाे प्रहार च्यासलका गाेलरक्षक एलेन न्याैपानेले बचाएका थिए । लगत्तै सुजित बुढाथाेकीले प्रहारलाई एलेनले बचाए । ६८  अाैंमिनेटमा अरुज सिंहकाे फ्रिकिक प्रहार एलनले बचाए ।

६९ अाैं मिनेटमा रुप बहादुर लामाकाे प्रहार च्यासलका गाेलरक्षक एलेनले उत्कृष्ट डाइभ दिदै बचाए । ७१ अाैं मिनेटमा कप्तान सन्ताेष साहुखलले दाेस्राे बार च्याप्दै गरेकाे प्रहार थाेरै बाहिरिँदा च्यासल अग्रता लिनबाट चुक्याे ।

८० अाैं मिनेटमा विजय घलानकाे पासमा रुप बहादुर लामाले गाेल गर्दै जावलाखेललाई अग्रता दिलाए । उनले पेनाल्टी क्षेत्रबाहिरबाट गरेको प्रहार गोलरक्षक एलनले बचाउन सकेनन् । लगत्तै ८१ अाैं मिनेटमा विजय घलानले गाेल गर्दै जावलाखेलकाे अग्रता दाेब्बर पारे । रुप बहादुर लामाकाे प्रहारलाई गाेलरक्षक एलनले बचाएपनि रिवाउन्डमा विजयले गमेल गर्न सफल भएका थिए ।

च्यासलका फरर्वाड सन्तोष साहुखलले लिगमा सय गोल पूरा गर्ने अपेक्षा गरिएपनि लगातार दोस्रो खेलमा उनले ल्याएको प्राप्त गर्न सकेनन् । उनले यसअघि एनआरटिविरुद्ध पनि गोल गरेका थिएनन् । सुरुवाती दुई खेलमा भने उनले ३ गोल गरेका थिए । जावलाखेलले लिगका ४ खेलमा २ जित र २ बराबरी सहित ८ अंक जोडेको छ । च्यासलले ४ खेलमा १ जित, १ बराबर र २ हारसहित ४ अंक मात्र जोडेको छ ।