लमजुङ(हाम्रो खेलकुद)- दोर्दी गाउँपलिाका लमजुङ र श्री भगवती युथ क्लब टोखा काठमाडौं लमजुङमा जारी जिल्लाको सर्वाधिक धनराशिको २८औं संस्करणको त्रिवेणी कप खुल्ला राष्ट्रिय पुरुष फुटबल प्रतियोगिताको क्वाटरफाइानलमा प्रवेश गरेको छ ।

सदरमुकाम बेशिसहरस्थित सहजी खेल मैदानमा मंगलबार भएको खेलमा दोर्दीले क्ह्लोलासोथा गाउँपालिका लमजुङमाथि ५–१ को फराकिलो जित निकाल्दै अन्तिम आठको यात्रा तय गरेको हो ।

यस्तै काठमाडौंको श्री भगवतीले एक्टिभ गोरखा ट्रेनिङ सेन्टरलाई २–० ले पराजि तगर्दै क्वाटरफाइनलमा पुग्न सफल भयो । अर्काे प्रि–क्वाटरफाइनलमा लमजुङ मस्र्याङ्दी युथ क्लबले नव आदर्श युथ क्लब सहजीमाथि ६–० को फराहिलो जित निकाल्दै क्वाटरफाइनलमा पुग्न सफल भयो । मंगलबारै भएको अर्काे खेलमा समाज कल्याण काठमाडौंले सुन्दरबजार युथ क्लबलाई १–० ले पराजित गर्दै अन्तिम आठको यात्रा तय गर्न सपल भयो ।

प्रतियोगितामा बुधबारदेखि क्वाटरफाइनलमा खेलहरु हुनेछ । पहिलो क्वाटरफाइनलमा लिगको चरणको अन्तिम खेलमा समाज कल्याण काठमाडौं र बन्सार एकता युथ क्लबबीच खेल हुनेछ दोस्रो क्वाटरफाइनलमा बुद्ध युथ क्लब (बिवाइसी) भोटेवडार र श्री भगवती युथ क्लब टोखा काठमाडौंबीच खेल हुनेछ ।

राष्ट्रव्यापी प्रतियोगितामा देशभरका २० क्लबले प्रतिस्पर्धा गरिरहेका छन् । प्रतियोगिताको विजेताले ३ लाख र दोस्रो हुनेले १ लाख ५० हजार रुपैया हात पार्नेछन् । सेमिफाइनलमा पराजित हुने दुई टोलीले समान ५० हजार पाउनेछन् । सर्वाधिक गोलकर्ता र सर्वोकृष्ट खेलाडीले जनही १५–१५ हजार हात पार्नेछन् ।