काठमाडौं (हाम्रो खेलकुद) – नेपाल एपीएफ क्लबले कतार एयरवेज सहिद स्मारक ए डिभिजन लिगमा पहिलो जित दर्ता गरेको छ ।

सातदोबाटोस्थित एन्फा कम्प्लेक्समा बिहीबार भएको खेलमा एपीएफले सरस्वती क्लबलाई २-१ ले हरायो । यस जितसँगै एपीएफ ४ खेलमा १ जित, १ बराबर र २ हारसँगै ४ अंक जोड्दै ११ अौं स्थानमा उक्लेको छ । अंकविहिन सरस्वती भने पुछारमा रहेको छ ।

खेलकाे आठाैं मिनेटमा दिपेश श्रेष्ठकाे बक्सभित्रकाे सशक्त प्रहार गाेलरक्षक अमृत कुमार चाैधरीले पञ्च गर्दै बचाए । १२अाैं मिनेटमा कृष्णगाेपाल श्रेष्ठकाे प्रहार पहिलाे बारबाट थाेरै बाहिरिँदा सरस्वतीले खेलमा अग्रता लिने माैका गुमायाे ।

१४अाैं मिनेटमा एपीएफका प्रविन स्याङ्तानकाे प्रयासलाई गाेलरक्षक प्रदिप भण्डारीले बचाए । १५अाैं मिनेटमा प्रविनकै प्रहार दाेस्राे बारबाट बाहिरिँदा एपीएफले खेलमा अग्रता लिने माैका गुमायाे ।

५५अाैं मिनेटमा दिपेश श्रेष्ठकाे प्रहारलाई एपीएफका गाेलरक्षक अमृत चाैधरीले मुस्किलले बचाए । ६०अाैं मिनेटमा अाशिष लामाकाे क्रस पासमा नवीन लामाकाे प्रहार आकासियाे । ६३अाैं मिनेटमा आशिष लामाले गाेल गर्दै एपीएफले खेलमा अग्रता लिन सफल भयाे । प्रविन स्याङ्तानले वान भर्सेस वानकै अवस्थामा गरेकाे प्रहारलाई गाेलरक्षक प्रदिप भण्डारीले बचाएपनि रिवाउन्डमा आशिषले गाेल गर्न सफल भएका थिए ।

८६अाैं मिनेटमा मनिष घलेकाे पेनाल्टी बकस बाहिरकाे सशक्त प्रहार पाेलमा लागेर फर्कदा सरस्वतीले बराबरीकाे सुन्दर माैका गुमायाे । इन्ज्युरी समयको दोस्रो मिनेटमा आशीषले व्यक्तिगत दोस्रो गोल गर्दै जित पक्का गरे । लगत्तै विनोद केसीले गोल फर्काएपनि एपीएफले जित हासिल गर्यो ।