काठमाडाैं (हाम्राे खेलकुद) – ब्राजिलयन खेलाडीले उच्च प्रदर्शन गरेपछि एनआईबिएल फ्रेन्ड्स क्लबले कतार एयरवेज सहिद स्मारक ‘ए’ डिभिजन लिग फुटबलमा फराकिलाे जित निकालेको छ ।

 

एन्फा कम्प्लेक्स सातदोबाटोमा आइतबार भएको खेलमा फ्रेन्ड्सले रेलिगेसन जोनमा रहेकाे सरस्वती युथ क्लबलाई ४-१ काे फराकिलो गोल अन्तरले पराजित गरेकाे हाे । फ्रेन्ड्सको फराकिलो जितमा भारतीय उत्तम राईले २ तथा ब्रानिली साउलो डी अक्विनो र वाग्नर डि कार्मोले ममन १-१ गोल गरे ।

सरस्वतीका कजिम बुसारीले एक गोल फर्काए । खेलको पाँचों मिनेटमा वाग्नर डि कार्माेको पासमा उत्तम राईले वान टचमा उत्कृष्ट गाेल गर्दै फ्रेन्ड्सलाई अग्रता दिलाए । २४अहं मिनेटमा फिलिपे डि साेउजाले फ्रिकिकमा गाेल गर्दै फेन्ड्सको अग्रता दोब्बर पारे । ७०अरे मिनेटमा वाग्नर डि कार्मो गाेल गरेपछि फ्रेन्ड्स सहन जिततर्फ अग्रसर बनेकाे थियाे ।

८०औं मिनेटमा काजिम बुसारीले गाेल गर्दै खेललाई ३-१ काे अवस्थामा ल्याए । तर ८६ औं मिनेटमा उत्तम राईले व्यक्तिगत दाेस्राे तथा टिमकाे लागि चाैथाे गाेल गर्दै फ्रेन्ड्सलाई ४-१ काे सानदार जित दिलाए । लिगमा दाेस्रो जित निकालेको फ्रेन्ड्स ७ खेलमा ८ अंक जोड्दै नवौं स्थानमा उक्लिएकाे छ । लिगमा छैटौं हार बेहोरेको सरस्वती १ अंकसहित पुछारमा छ।