default_image

4 years ago

January 22, 2020

रञ्‍जितको फ्रिकिक गोलमा मछिन्द्र विजयी

काठमाडौं (हाम्रो खेलकुद) – डिफेन्डर रञ्‍जित धिमालले फ्रिकिकमा गरेको गोल निर्णायक सावित हुँदा कतार एअरवेज सहिद स्मारक ‘ए’ डिभिजन लिग अन्तर्गत बुधबारको खेलमा मछिन्द्र क्लबले नेपाल पुलिस क्लबलाई १-० ले पराजित गरेको छ ।   दशरथ रंगशालामा भएको खेलमा मछिन्द्रले जित दर्ता गर्दै महत्त्वपूर्ण ३ अंक हासिल गर्यो । यस जितसँगै मछिन्द्रले ८ खेलमा ५ […]

40 views

0 Bookmark

काठमाडौं (हाम्रो खेलकुद) – डिफेन्डर रञ्‍जित धिमालले फ्रिकिकमा गरेको गोल निर्णायक सावित हुँदा कतार एअरवेज सहिद स्मारक ‘ए’ डिभिजन लिग अन्तर्गत बुधबारको खेलमा मछिन्द्र क्लबले नेपाल पुलिस क्लबलाई १-० ले पराजित गरेको छ ।

 

दशरथ रंगशालामा भएको खेलमा मछिन्द्रले जित दर्ता गर्दै महत्त्वपूर्ण ३ अंक हासिल गर्यो । यस जितसँगै मछिन्द्रले ८ खेलमा ५ जित,१ हार र २ बराबरीसँगै १६ अंक जोडेको छ अघिल्लो सिजन अंक तालिकामा पुछारबाट दोस्रो स्थानमा रहेको कारण मछिन्द्रको १ अंक घटाइएको हो

पुलिस भने ८ खेलमा ११ अंक जोड्दै छैटौं स्थानमा यथावत छ । मछिन्द्र र शीर्षस्थानमा रहेको त्रिभुवन आर्मी क्लबको बराबर अंक छ । गोलअन्तरको आधारमा आर्मी अगाडि छ ।

निकै प्रतिस्पर्धात्मक पहिलो हाफको छैटौं मिनेटमा नै मछिन्द्रले गोल गर्ने अवसर गुमाएको थियो । रजिन धिमालको पासमा पेनाल्टी क्षेत्रभित्र रहेका मछिन्द्रका खेलाडीले बललाई पोस्टको दिशा दिन सकेनन् । १३ औं मिनेटमा पुलिसका लागि सौजन राईको फ्रिकिक प्रहार गोलरक्षक विशाल श्रेष्ठले विफल पारे ।

 

२८ औं मिनेटमा अभिषेक रिजालको हेडरले पोस्टको दिशा लिन सकेन । ४१ औं मिनेटमा पुलिसका सौजन राईको प्रहार फितलो रहँदा पुलिस अग्रता लिनबाट चुक्यो । इन्ज्युरी समयको पहिलो मिनेटमा मछिन्द्रले बललाई पोस्टको दिशा दिएपनि रेफ्रीले अफसाइड देखाए ।

रञ्जित धिमालको फ्रिकिकमा पिटर सेगुनले गोल गरेपनि रेफ्रीले उक्त मुभलाई मान्यता दिएनन् । खेलको ५३ औं मिनेटमा रञ्‍जितको फ्रिकिक गोलमा मछिन्द्रले अग्रता लियो । उनले मैदानको दायाँ विङबाट झन्डै ३० यार्ड टाढाबाट गरेको प्रहार गोलरक्षकको टाउको माथिबाट जाँदै पोस्टमा छिरेको थियो ।

पुलिसका खेलाडीले रेफ्रीसमक्ष फलको अपिल गरेपनि गोल मान्य भएको थियो । त्यसको दुई मिनेटपछि नै मछिन्द्रले अग्रता दोब्बर गर्ने अवसर पाएपनि अभिषेक रिजालले मौकाको सदुपयोग गर्न सकेनन् ।

खेलको ८१ औं मिनेटमा विशाल राईले बललाई पोस्टको दिशा दिएपनि असिस्टेन्ट रेफ्रीको झण्डा पुन एकपटक बाधक बन्यो । दीपक राईले पेनाल्टी क्षेत्र बाहिरबाट गरेको प्रहार गोलरक्षक सत्रुघन चौधरीले रोकेपछि आएको रिबाउन्डमा विशाल राईले गोल गरेपनि रेफ्रीले त्यसलाई अफसाइड भन्दै मान्यता दिएनन् ।

लिगअन्तर्गत बिहीबार दशरथ रगशालामा नै दुई खेल हुनेछन् अघिल्लो चरणमा मछिन्द्रलाई स्तब्ध पारेको हिमालयन शेर्पाले रुस्लान थ्री स्टार क्लबसँग खेल्नेछ यस्तै जावलाखेलले रेलिगेसन क्षेत्रबाट त्रासमा रहेको नेपाल एपीएफक्लबको सामना गर्नेछ

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.