5 years ago
January 23, 2020
काठमाडौं (हाम्रो खेलकुद) – जावलाखेल युथ क्लबले कतार एयरवेज सहिद स्मारक ए डिभिजन लिग अन्तर्गत बिहीबार नेपाल एपीएफ क्लबलाई १-० ले पराजित गरेको छ ।
खेलको अन्तिम ३० मिनेट १० खेलाडीमा सिमित हुनका बाबजुद जावलाखेलले अग्रता लिँदै जित हासिल गरेको हो । जावलाखेलको जितमा विदेशी फरवार्ड फोडे फोफानाले एकमात्र गोल गरे । उनले ७१ अौं मिनेटमा वन टचमा गरेको गोल निर्णायक सावित भएको थियो ।
त्यसअघि खेलको ५७ अौं मिनेटमा जावलाखेलका गोलरक्षक टिकेन्द्र थापाले रातो कार्ड पाएका थिए । पेनाल्टी क्षेत्र बाहिर आएर हातले बल समाएपछि रेफ्रिले उनलाई सिधै रातो कार्ड देखाए ।
पछिल्ला दुई खेलमा पराजय भोगेको जावलाखेल यस जितसँगै अंक तालिकामा उकालो लागेको छ । ८ खेलमा ३ जित, ३ बराबरी र २ हारसँगै १२ अंक जोडेको जावलाखेल पाँचौ स्थानमा उक्लिएको छ । एपीएफ भने ८ खेलमा १ जित, २ बराबरी र ५ हारसँगै ५ अंक जोड्दै पुछारबाट दोस्रो स्थानमा छ ।
लिग अन्तर्गत शुक्रबार मनाङ मर्स्याङ्दी क्लब र सरस्वती युवा क्लब खेल्नेछन् । दोस्रो खेलमा ब्रिगेड ब्वाइज क्लब र च्यासल युवा क्लब भिड्नेछन् ।
December 14, 2024
हिमाल खरेल,बिर्तामोड झापाको बिर्तामोडमा शनिवार सुरु भएको प्रथम झापा कप फुटबल प्रतियोगिताको उद्घाटन खेलमा त्रिभुवन आर्मी फुटबल क्लबले विजयी सुरुवात गरेको छ । आर्मीले मोरङको एलएक्स सिटी एफसीलाई ३-० गोल अन्तरले पराजित गर्दै क्वार्टर फाइनलमा स्थान सुरक्षित गरेको हो । आर्मीका लागि राष्ट्रिय टिमका स्ट्राइकरसमेत रहेका नियमित खेलाडी जिलेस्पीजंग कार्की, दिशान्त राई, निरज चौधरीले गोल […]
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
