काठमाडौं (हाम्रो खेलकुद)– सताक्षी गोल्ड कप जितेको दुई दिन पछि नै सानमिगेल मछिन्द्र क्लब बुढासुब्बा गोल्डकप फुटबल प्रतियोगिताको सेमिफाइनलमा पुगेको छ ।

धरान रंगशालामा भारत कोलकात्ताको सन्डे क्लब एफसीसलाई ६–१ को फराकिलो अन्तरले हराउँदै कतार एयरवेज सहिद स्मारक ए डिभिजन लिग च्याम्पियन मछिन्द्र अन्तिम चारमा पुगेको हो । मछिन्द्रको जितमा विमलले ह्याट्रिक गरेका थिए । विशाल राई ‘बी’ले २ तथा रेजिन सुब्बाले १ गोल गरे ।

पहिलो हाफमा सुरुवाती गोल गरेका विमलले खेलको अन्त्य तिर २ गोल थपेका थिए । विमलले २० औं मिनेटमा टोलीका लागि पहिलो गोल गरेका थिए । २८ औं मिनेटमा विशालले गोल गर्दा मछिन्द्र पहिलो हाफमा २–० ले अघि लागेको थियो ।

दोस्रो हाफमा मछिन्द्रले ४ गोल थप्यो । रेजिनले ४९ औं निेटमा गोल थरे भने विशालले ७४ औं मिनेटमा व्यक्तिगत दोस्रो गोल गरे । विशलले ८० औं मिनेटमा दोस्रो गोल तथा टोलीका लागि पाँचौं गोल गरे । भारतीय क्लबका लागि सञ्जिव बौरीले ८३ औं मिनेटमा गोल गरेका थिए । विमलले खेल सकिन ३ मिनेट बाँकी रहँदा अर्को गोल गर्दै ह्याट्रिक पुरा गरे ।

मछिन्द्रले अब नेपाल पुलिस क्लब सँग बिहीबार फाइनल प्रवेशका लागि प्रतिस्पर्धा गर्नेछ । धरान फुटबल क्लबको आयोजनामा जारी प्रतियोगिताको पहिलो सेमिफाइनलमा बुधबार नेपाल आयल निगम मनाङ मस्र्याङ्दी क्लब र युेकेएफसीबीच प्रतिस्पर्धा हुनेछ ।