एजेन्सी – स्टार फरवार्ड रोवर्ट लेवान्डोस्कीविनै जर्मन क्लब बायर्न म्युनिखले जर्मन बुन्डेस लिगामा सानदार जित निकालेको छ । बायर्नले घरेलु टोली होफेनहाइनमाथि ६–० को सानदार जित निकालेको हो ।

लेवान्डोस्कीविनै बायर्नको फराकिलो जितमा ब्राजिली प्लेमेकर फिलिपे कौटिन्होले दुई तथा सर्जी जिनाब्री, जोसुवा किम्मिच, जोसुवा जिर्कजी र लियोन गोरेट्काले गोल गरे । लेवान्डोस्कीले चेल्सीविरुद्धको च्याम्पियन्स लिगको प्रि–क्वाटरफाइनलको पहिलो लेगमा ३–० को जित निकाल्दा चोट बोकेका थिए । उनी करिव ४ साता मैदान बाहिर रहनेछ ।

गोलको वर्षा भएको खेलमा बायर्नले पहिलो हाफकै ४–० को अग्रता बनाएको थियो । खेलको पहिलो मिनेटमा नै थोमस मुलरको पासमा सर्जी जिनाब्रीको गोलबाट बायर्नले खेलमा अग्रता बनाएको थियो । सातौ मिनेटमा जोसुवा किम्मिचले बायर्नको अग्रता दोब्बर बनायो ।

१५औं मिनेटमा जोसुवा जिर्कजीले गोल गरेपछि बायर्नले खेलमा ३–० को अग्रता लिन सफल भएको थियो । ३३औं मिनेटमा फिलिपे कौटिन्होले गोल गरेपछि बायर्नले पहिलो हाफमा ४–० को आरामदायी अग्रता बनाएको थियो । ४७औं मिनेटमा कौटिन्होले व्यक्तिग दोस्रो गोल गरेपछि बायर्न फराकिलो जिततर्फ अग्रसर बन्यो । ६२औं मिनेटमा लियोन गोरेट्काले गोल गर्दै बायर्नलाई आधा दर्जन गोलको सानदार जित दिलाए ।

खेल सकिन १५ मिनेट बाँकी रहँदा बायर्नका समर्थकले होफेनहाइनका मालिक डाइटमार होपको विरोधमा ब्यानर प्रदर्शन गरेपछि खेल झन्डै १५ मिनेट रोकिएको थियो । यसक्रममा बायर्नका अफिसियल र खेलाडीहरुले ब्यानर हटाउन निर्देशन र प्रयास गरेपछि खेल सुचारु भएको थियो । खेलाडीहरुले अन्तिम १५ मिनेट एक आपसमा पास खेल्दै खेल सकाएका थिए ।म्यानुयल बर्थले यो घट्ना बुन्डेस लिगा र जर्मन फुटबलमा खराव सदन रहेको बताएका छन् ।

जितसँगै बायर्नले बुन्डेस लिगाको उपाधि जित्ने सम्भावनालाई बलियो बनाएको छ । शीर्षस्थानमा रहेको बायर्नको २४ खेलबाट ५२ अंक पुगेको छ । एक खेल कम खेलेको दोस्रो स्थानको आरबी लाइप्जिगको ४९ अंक छ । पराजित होफेनहाइन ३४ अंक जोडेर आठौं स्थानमा छ ।

अर्काे खेलमा इंग्लिस युवा स्टार जाडोन सान्चोको एकमात्र गोलमा बोरुसिया डर्टमन्डले जर्मन बुन्डेस लिगामा झिनो जित निकालेको छ । डर्टमन्डले फ्रेइवर्गमाथि १–० को झिनो जित निकालेको छ ।

जितसँगै डर्टमन्डले दोस्रो स्थानमा रहेको आरबी लाइप्जिगसँगको अंक बराबरी गरेको छ । डर्टमन्डको २४ खेलबाट ४८ अंक पुगेको छ । एक खेल कम खेलेको आरबी लाइप्जिगको पनि ४८ अंक नै छ । शीर्षस्थानको बायर्न म्युनिखको ५२ अंक छ ।

सिग्नल इडुना पार्कमा घरेलु टोलीले खेलको १५औं मिनेटमा अग्रता बनाएको थियो । थोगर्न हजार्डको पासमा सान्चोले गोल गर्न सफल भएका थिए । त्यसपछि पनि दुवै टोलीले गोलको केही अवसर खेर फाल्दा डर्टमन्ड १–० ले विजयी हुन सफल भयो ।