एजेन्सी – स्पेनी विंगर पेद्रो रोड्रिग्वेजले आफू बार्सिलोना छँदाको समय र राष्ट्रिय टोलीमा हात पारेको सफलता अविस्मरणीय रहेको बताएका छन् । यस्तै उनले रियल म्याड्रिडका प्रशिक्षक जिनेदिन जिदान खेलाडीका रुपमा सक्रिय हुँदा आफु उनको ठूलो समर्थक रहेको चेल्सीका फरवार्डले बताए ।

लन्डनमा घरमै क्वारिन्टनमा रहेको पेन्द्रोले सामाजिक सञ्जालमार्फत समर्थकहरु कुरा गर्दै भने, ‘म जिदानसँग पनि खेल्न चाहन्थो । उनी भिजन भएका प्लेमेर हुन् । मलाई जिदान एकदम म पर्छ । उनलाई एकदमै मन पराउँछु । जति बेला पनि उनले बल छुन्थे केहि न केहि राम्रो हुन्थ्यो नै ।’ क्वारिन्टेनमा रहँदाको व्यवसायिक फुटबल खेलाडीले के गर्न रुचाउँछन् भन्ने विषयमा पनि पद्रोले समर्थकसँग आफ्नो भावना साटेका थिए ।

‘महिना दिनदेखि हामी घरमै छौं । घरमा निकै अभ्यास गर्छु । तर पनि ठिक राख्न त्यहि सहज छैन,’ उनले भने, ‘फुटबल खेलाडीका लागि यो समरको विदा जस्तो भएको छ । जति बेला बलसँ धेरै खेलिन्न । घरमै बलसँग खेले पनि त्यो नियमित अभ्यास जस्तो हुँदैन । अब कहिले सम्म यो अवस्थाले निरन्तरता पाउँछ भन्ने सकिने अवस्था छैन ।’

‘पेद्रोले आफ्नो बार्सिलोना र स्पेनबाट खेल्दाको एतिहासिक क्षण पनि त्यति बेला स्मरण गरेका थिए । बार्सिलोनाको स्वर्ण युगको म पनि एउटा हिस्सा रहेकाले त्यसलाई आफ्नो भाग्य ठान्छु ,’ उनले भने,’ पेप ग्वार्डिओलाको नेतृत्वमा हामीले सबै खाले प्रतियोगिता जित्यौं । हामीले स्तरीय फुटबल खेल्यौं, त्यो सधै सम्झानामा रहेकोछ ।

पेद्रोले राष्ट्रिय टोलीबाट खेल्दा पनि त्यस्तै स्मरणरिय रहेको उल्लेख गरे । ‘लुइस अर्गोनेस र भिसेन्टे डेल बास्केको समय हामीले राम्रो गर्यौं, उनले थे, म त्यो समयको पनि हिस्सा थिए । त्यो समयको हुनुको महत्व छ । पेद्रोले २०११ को च्याम्पियन्स लिगको फाइनलको पनि स्मरण गरे ।

‘फाइनल वेम्ब्लीमा भएको थियो । मैले पुरा प्रतियोगिता खेलेको थिए । म त्यति बेला बार्सिलोनाको मत्वपूर्ण सदस्थ थिए, उनले स्मरण गरे , जर्मनीलाई हराउँदै विश्व कप जित्दाको समय पनि विशेष रहेको उल्लेख गर्दै उनले रियल म्याड्रिडविरुद्ध सुपर कप र क्लब विश्व कपमा गोल गर्दा विशेष लागेको छ । तर सबै भन्दा उत्कृष्ट क्षण म्यानचेस्टर युनाइटेटविरुद्धको च्याम्पियन्स लिग फाइनल थियो ।’

३२ वर्ष फरवार्डले आफ्ना बार्सिलोनामा रहँदाका सहकर्मी, प्रशिक्षकका बारेमा चर्चा गरे । ‘एउटा खेलाडीको रुपमा हुर्किनका लागि मलाई ग्वार्डिओलाले मौका थिए । म युवा परियोजनाबाट आएको हु र सिनियर टोलीमा उनले नै मौका थिएका हुन्,’ उनले तारिफ गर्दै भने, ‘उनले मलाई जहिले पनि मैदानमा सिकाए । त्यस्तो डेल बोस्केप्रति पनि मेरो विशेष सम्मान छ । उनले विश्वकपमा मेरा लागि जोखिम उठाएका थिए । त्यस्तै टिटो भेलानोभालाई म आफ्नो मनमा राख्छु ।’

उनले बार्सिलोनमा खेल्दाका सहकर्मीहरुको पनि तारिफ गरे । ‘कार्लोस पुयोलसँग खेल्दा गर्व महसुस हुन्थ्यो । उनी स्वभाविक नेता हुन् । लियोन मेस्सीसँग खेल्नुको अर्कै मजा छ ,’ उनले भने, ‘उनी र अन्य नेयमार, थिएरी हेनरी, रोनाल्डिन्हो जस्तासँग खेलेर जित्नु साच्चै विशेष थियो । अहिले सम्म मेस्सी सबैभन्दा उत्कृष्ट हुन् ।’