6 years ago
May 24, 2020
एजेन्सी – जर्मन मिडफिल्डर मारियो गोट्जेले यस सिजनको अन्त्यपछि बोरुसिया डर्टमुन्ड छाड्ने पक्का भएको छ । क्लबका खेलकुद निर्देशक माइकल जोर्कले गोट्जे अर्को सिजन क्लबमा नरहने जानकारी दिएका हुन् ।
गोट्जेले केहि महिनाअघि नै आफ्नो भविष्य डर्टमुन्ड बाहिर देखिरहेको स्वीकारेका थिए । उनले आफ्नो करीअरलाई नयाँ गतिमा लाग्न यो निर्णय लिएको बुझिएको छ । क्लबका प्रमुख कार्यकरी अधिकृत हान्स-जोकिम वाट्जकेले उनलाई क्लबमा रहन अनुरोध गरेपनि गोट्जेले अन्य क्लबमा जाने निर्णय लिएका हुन् ।
प्रशिक्षक लुसियन फाभ्रले अघिल्लो साता मात्र गोट्जे आफ्नो खेल्ने शैलीमा फिट हुन नसकेको बताएका थिए । गोट्जे आफैंले पनि यसलाई महसुस गरेर क्लबमा नबस्ने निर्णय लिएको बुझिएको छ । क्लबले गोट्जेलाई सिजनको अन्त्यमा बिदा गर्ने जोर्कले बताए ।
‘हामी सिजनको अन्त्यमा गोट्जेलाई बिदा गर्नेछौं । यो दुवै पक्षमा भएको सहमतिपछि लिइएको निर्णय हो । मारियो एकदम राम्रा खेलाडी हुन् र उतिकै राम्रो व्यक्ति पनि,’ जोर्कले भने ।
गोट्जे सन् २०१६ मा बोरुसिया डर्टमुन्ड फर्केका थिए । त्यसको तीन वर्षअघि उनी डर्टमुन्डबाट नै बायर्न म्युनिख प्रस्थान गरेका थिए । गोट्जेले सन् २०१४ मा जर्मनीका लागि विश्वकप फाइनलमा अर्जेन्टिनाविरुद्ध निर्णायक गोल गरेका थिए ।
पछिल्लो केहि समय भने उनलाई शारीरिक रुपमा केहि कठिनाई भएको छ । शरीरमा मेटाबोलिक अवस्था कमजोर भएपछि उनले केहि समय फुटबलबाट विश्राम लिनुपरेको थियो । त्यसबाट फर्केपछि उनको खेल्ने लयमा केहि ह्रास आएको छ ।
गोट्जेलाई अनुबन्ध गर्न जर्मन क्लब हर्था बर्लिनले प्रस्ताव अघि सारिसकेको छ । इटालियन क्लब एसी मिलान, रोमा र लाजियोले पनि उनीमाथि नजर लगाएका छन् । तर गोट्जेले जर्मनीमा नै रहेर फुटबल करीअर अगाडी बढाउने सम्भावना रहेको छ ।
December 20, 2025
एजेन्सी – बोरुसिया डर्टमुन्डले बोरुसिया मोनचेनग्लाडबाचलाई २-० ले हराएको छ। जितसँगै डोर्टमुन्ड बुन्डेसलिगा तालिकाको दोस्रो स्थानमा उक्लिएको छ। खेलको १०औँ मिनेटमै डर्टमुन्डले अग्रता लिएको थियो। निक्लास जुलको क्रसमा जुलियन ब्रान्ड्टले सजिलै गोल गरे। पहिलो हाफमा मोनचेनग्लाडबाच कमजोर देखियो। उसले केही प्रहार गरे पनि गोल गर्न सकेन। डर्टमुन्डले दोस्रो गोलका अवसर पनि बनायो तर गोल हुन […]
December 20, 2025
एजेन्सी – इन्टर मिलानलाई पेनाल्टी सुटआउटमा हराउँदै बोलोग्ना इटालियन सुपर कपको फाइनलमा पुगेको छ। साउदी अरेबियाको अल-अव्वाल पार्कमा भएको सेमिफाइनल खेल निर्धारित ९० मिनेटमा १-१ को बराबरीमा सकिएपछि खेल पेनाल्टी सुटआउटमा पुगेको थियो। जस बोलोग्ना ३-२ ले विजयी भयो। खेल सुरु भएको दोस्रो मिनेटमा इन्टरले अग्रता लिएको थियो। ७२ सेकेन्डमै मार्कस थुरामले भलीमार्फत सानदार गोल […]
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
