default_image

4 years ago

May 26, 2020

डर्टमुन्डविरुद्ध बायर्न : सम्पुर्ण जानकारी

एजेन्सी – कोरोना त्रासकाबीच १६ मेदेखि शुरु भएको जर्मन बुन्डेसलिगामा आजदेखि तेस्रो चरणका खेलहरु सुरु हुदैछ । तेस्रो चरणमा आज बहुप्रतिक्षित बोरुसिया डर्टमुन्ड र बायर्न म्युनिखको खेलसँगै अन्य तीन खेल पनि हुनेछ । अन्य तीन खेलको तुलनामा डर्टमन्ड र बायर्नबीचको खेललाई विश्व फुटबलले निकै महत्त्वका साथ हेरिरहेका छन् । कारण यही खेलले नै जर्मन बुन्डेस […]

36 views

0 Bookmark

एजेन्सी – कोरोना त्रासकाबीच १६ मेदेखि शुरु भएको जर्मन बुन्डेसलिगामा आजदेखि तेस्रो चरणका खेलहरु सुरु हुदैछ । तेस्रो चरणमा आज बहुप्रतिक्षित बोरुसिया डर्टमुन्ड र बायर्न म्युनिखको खेलसँगै अन्य तीन खेल पनि हुनेछ ।

अन्य तीन खेलको तुलनामा डर्टमन्ड र बायर्नबीचको खेललाई विश्व फुटबलले निकै महत्त्वका साथ हेरिरहेका छन् । कारण यही खेलले नै जर्मन बुन्डेस लिगाको यो सिजनको उपाधिमा निर्णायक भूमिका खेल्न सक्नेछ । खेल डर्टमुन्डको मैदान सिग्नल इडुना पार्कमा नेपाली समयअनुसार राति १०ः१५ बजेपछि सुरु हुनेछ ।

बायर्न घरेलु टोलीलाई पन्छाउँदै उपाधि यात्रालाई थप बलियो बनाउन चहान्छ । जित निकाल्न सके बायर्नले डर्टमुन्डसँग ७ अंकको अग्रता बनाउनेछ । बराबरीले ४ अंक कायम रहँदा हारले अंक दुरी एकमा छोट्टिनेछ ।

यता, घरेलु टोली डर्टमन्ड बायर्नलाई पराजित गर्दै अंक दुरी छोट्याएर उपाधि होडमै उभिन चहान्छ । बराबरीले झिनो सम्भावना रहँदा हारले डर्टमन्डको उपाधि यात्रा लगभग सकिनेछ । बायर्नको २७ खेलबाट ६१ तथा डर्टमन्डको ५८ अंक छ ।

बायर्नलाई यसपटक डर्टमुन्डको मैदानमा उत्रदा केही फाइदा हुन सक्नेछ । कारण खेल बन्द रंगशालामा हुनेछ । जहाँ जर्मनीको सबैभन्दा विशाल दर्शक रहने इडुना पार्क शान्त रहनेछ । डर्टमुन्डका लागि घरेलु माहौल नै शुन्य रहनेछ । यसको फाइदा बायर्नले लिन सक्नेछ ।

बायर्नका प्रशिक्षक हान्सी फ्लिक घरेलु टोलीलाई पाखा लगाउँदै उपाधि यात्रालाई थप सहज हुनेमा आशावादी छन् । बायर्नले यसअघि घरेलु मैदानमा डर्टमुन्डलाई ४–० ले पराजित गरेको थियो ।

यस्तै बायर्नका भरपर्दा खेलाडी थोमस मुलरले डर्टमुन्डविरुद्ध तयार रहेको बताएका छन् । ‘हामी डर्टमुन्डसँगको खेलको लागि तयार छौ । उनीहरुलाई हराएर हामी डर्टमुन्ड भन्दा राम्रो छौ भन्ने देखाउन चाहन्छौ । कोरोनाको प्रकोप नभएको भए मंगलबारको बायर्न र डर्टमुन्डबीचको खेल हेर्न ८२ हजार दर्शकको साक्षी रहने थियो । दर्शकबिना पनि डर्टमुन्डसँगको खेल सोचे अनुरुप सजिलो हुने छैन ।’ मुलरले भने ।

‘हाम्रो लागि निकै महत्वपूर्ण खेल हो । हामी यसलाई लिएर निकै स्पष्ट छौं । यो खेल जित्दै हामी बुन्डेसलिगा उपाधितर्फ एउटा लामो कदम अघि बढाउने छौं ।’

बायर्नका लागि रोवर्ट लेवान्डोस्की नै मुख्य हतियार हुनेछन् । लेवान्डोस्कीले डर्टमुन्डविरुद्धको पछिल्लो ६ खेलमा १२ गोल गरेका छन् । उनलाई थोमस मुलर, सर्जी जिनाब्री, किङ्सले कोमान, जोसुवा किम्मिच र लियोन गोरेट्जकाले साथ दिनेछ ।

यता, घरेलु मैदानमा डर्टमुन्ड बायर्नलाई पराजित गर्दै उपाधि यात्रामा नै रहने दाउमा हुनेछ । बायर्न अघिल्लो खेलमा बेहोरेको हारको बदला लिने लक्ष्यमा समेत रहने छ । बायर्नविरुद्ध डर्टमुन्डका अर्लिङ ब्राउट हालान्ड मुख्य हतियार हुनेछन् । जनवरीमा डर्टमन्ड आएयता १९ वर्षीय हालान्डले लिगमा १० गोल गरिसकेका छन् ।

गोल मेसिनको रुपमा देखिएको हालान्डले यो सिजन ४१ गोल गरिसकेका छन् । हालान्डले जुनसुकै बेला पनि खेललाई परिवर्तन गर्न सक्ने क्षमता राख्दछन् । जेडन सान्चोले पनि बायर्नविरुद्ध प्रभाव जमाउन सक्नेछन् । पछिल्लो दुई खेलमा वैकल्पिक खेलाडीको रुपमा रहेका सान्चोले बायर्नविरुद्ध पहिलो रोजाईमा मौका पाउन सक्नेछन् ।

डर्टमन्डले पछिल्ला ५ मध्ये एक खेल मात्रै गुमाएका छन् । डर्टमन्डले पछिल्लोपटक च्याम्पियन्स लिगको प्रि–क्वाटरफाइनलको दोस्रो लेगमा पीएसजीसँग २–० को हार बेहोरेको थियो । यता, बायर्न पछिल्लो ८ खेलमा अपराजित छ ।

हेड टु हेड

पछिल्लो तथ्यांक अनुसार यि दुई टोली ३३ पटक आमने समाने भएका छन् । जसमा बायर्न नै हावी देखिएको छ । बायर्नले १५ खेलमा जित हात पार्दा ६ बराबरी र १२ हारको नतिजा निकालेको छ । पछिल्लो चार खेलको नतिजा हेर्दा यि दुई टोलीले समान दुई जित निकालेका छन् । डर्टमुन्डले कम अन्तरमा जित निकाल्दा बायर्नले फराकिलो अन्तरमा जित निकालेका छन् ।

खेल हुने स्थानः सिग्नल इडुना पार्क, डर्टमुन्ड

खेल हुने समयः राति १०ः१५ बजे

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.