default_image

4 years ago

May 26, 2020

रामोसको नजरमा दुर्लभ कीर्तिमान

एजेन्सी – स्पेन राष्ट्रिय टोलीका समेत कप्तान रहेका सर्जियो रामोसले २०१५ यता स्पेनिस महारथी रियल म्याड्रिडको कप्तानी सम्हालिरहेका छन् । गोलरक्षक इकर कासियसले रियल छाडेपछि रामोसले कप्तानीको जिम्मा पाएका हुन् ।   ३४ वर्षे रामोस आफ्नो व्यावसायिक खेल करियरको अन्त्यतिर छन् । खेल करियरको अन्त्यतिर रहेको रामोसलाई एउटा कीर्तिमान थप्ने महत्त्वपूर्ण अवसर छ । त्यो […]

35 views

0 Bookmark

एजेन्सी – स्पेन राष्ट्रिय टोलीका समेत कप्तान रहेका सर्जियो रामोसले २०१५ यता स्पेनिस महारथी रियल म्याड्रिडको कप्तानी सम्हालिरहेका छन् । गोलरक्षक इकर कासियसले रियल छाडेपछि रामोसले कप्तानीको जिम्मा पाएका हुन् ।

 

३४ वर्षे रामोस आफ्नो व्यावसायिक खेल करियरको अन्त्यतिर छन् । खेल करियरको अन्त्यतिर रहेको रामोसलाई एउटा कीर्तिमान थप्ने महत्त्वपूर्ण अवसर छ । त्यो हो रियललाई सबैभन्दा धेरै खेलमा कप्तानी गर्नु । रियलमा यो कीर्तिमान लेजेन्ड राउल गोन्जालेज ब्लान्कोको नाममा रहेको छ ।

यसमा नयाँ सम्झौताले पनि निर्भर गर्नेछ । किनकि रामोसको रियलमा सम्झौता सकिनै लागेको छ । सम्झौता नवीकरण भएको खण्डमा उनले राहुलको कीर्तिमान तोड्न सक्नेछन् । सम्झौता नवीकरण हुन नसकेको अवस्थामा यो विषय थाती रहनेछ ।

२००५ देखि रियलमा रहेका रामोसले हालसम्म ६४० खेल खेल्दा २५२ खेलमा कप्तानी गरेका छन् । उनीभन्दा अघि राउलले २९८ खेलमा कप्तानी गरेका थिए । राउलले १९९४ देखि २०१० सम्म ७४१ खेल खेल्दा २९८ खेलमा रियलको कप्तानी सम्हालेका थिए । राहुलले २००३ देखि रियलको कप्तानी सम्हालेका थिए । त्यसपछि इकर कासियसले २०१० देखि २०१५ सम्म रियलको कप्तानी गरेका थिए ।

रामोस राउलभन्दा ४६ खेलले मात्रै पछि छन् । रामोसको रियलमा २ वर्षको सम्झौता भएमा उनले यो लक्ष्यलाई भेटाउन सक्नेछन् । त्यसैले रामोस रियलमा नयाँ सम्झौताको पर्खाइमा छन् । रियलमा हालसम्म ३४ कप्तान भएका छन् । जसमा १ सय भन्दा बढी खेलमा कप्तानी गर्नेमा राहुल (२९८), रामोस (२५२), कासियस (२३४) र फर्नान्डो हिएरो (१०८) छन् ।

२०१४/१५ को सिजनपछि इकर कासियसबाट कप्तानको आर्मब्याण्ड पाएका रामोसले रियलबाट २१ उपाधि जित्दा आफ्नै कप्तानीमा ५ सिजन बिताउँदा ११ उपाधि जितेका छन् । जसमा समान तीन च्याम्पियन्स लिग र फिफा क्लब वल्डकप, समान दुई युइएफए सुपर कप र सुपर कोपा र एक स्पेनिस ला लिगा रहेका छन् । १० उपाधि जिनेदिन जिदानको प्रशिक्षणमा तथा एक उपाधि सान्टियागो सोलारीको प्रशिक्षणमा जितेका छन् ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.