एजेन्सी – अर्जेन्टिना तथा क्याटलान क्लब बार्सिलोनाका कप्तान लियोनेल मेस्सी आउदो जुन २४ मा ३३ वर्ष लाग्दैछन् । यो उमेरमा प्राय खेलाडीहरु सन्न्यास लिने योजना बनाउन सुरु गर्छन् । 

तर, अर्जेन्टिनी फरवार्डका लागि त्यस्तो समय देखिँदैन । यद्दपि उनी कहिलेसम्म बार्सिलोनामा रहने टुंगो लागेको छैन । अझ मेस्सी सम्झौता नविकरण गर्ने छलफलमा जुटेका छन् । तर, उनले आफ्नो करियर अझै समाप्त नभएको प्रष्ट पारेका छन् ।

क्लब र मेस्सीबीच सम्झौत नवीकरण हुन नसकेको अवस्थामा मेस्सीले बार्सिलोनाका लागि कहिलेसम्म खेल्नेछन् भन्ने नै शंकामा छ । तर, उनी लामो समय बार्सिलोनाका लागि खेल्नेमा समर्थकहरु आशावादी छन् ।

यता ३५ वर्षे रोनाल्डोले इटालीमा लगातार उच्च प्रदर्शन गरिरहेका कारण पनि मेस्सीलाई उही लयमा रहन दबाब बढेको छ । पोर्चुगिज फरवार्ड रोनाल्डोको युभेन्टससँग २०२२ सम्म सम्झौता रहेको छ । यसको अर्थ ३७ वर्षसम्म पनि युभेन्टसमा नै खेल्न सक्नेछन् । उनको शारिरिक क्षमताले पनि त्यहि संकेत गर्छ ।

मेस्सी कहिलेसम्म खेल्न चाहन्छन्  र उच्च स्तरमा कहिलेसम्म खेल्न सक्षम हुनेछन् भन्न सकिने अवस्था छैन । पछिल्लो प्रदर्शन अनुसार उनले अझै पनि लामो समयसम्म खेल्न सक्ने देखाउँछ ।

आफ्नो उच्च फर्मकै कारण यो उमेरमा पनि उनी युरोपको शीर्ष क्लबमा छन् । नत्र उनी पनि अन्य खेलाडीझैं एमएलएस जाने सक्थे । तर, विश्लेषकहरु मेस्सीले अझैपनि ४ वर्षसम्म शीर्षस्तरको लिग खेल्न सक्नेमा बताउँछन् । कारण उनको खेल्ने शैलीले उनलाई साथ दिएको छ ।