4 years ago
June 15, 2020
एजेन्सी – बार्सिलोनाका कप्तान तथा स्टार फरवार्ड लिओनेल मेस्सीलाई उनको गोल गर्ने क्षमताका आधारमा मात्र हेर्न नहुने टोलीका प्रशिक्षक किके सेटिनले बताएका छन् । मेस्सीले शनिबार मालोर्काविरुद्ध ४-० को जितमा उत्कृष्ट प्रदर्शन गरेपछि सेटिनले यस्तो अभिव्यक्ति दिएका हुन् । उक्त खेलमा मेस्सीले १ गोल गर्नुका साथै २ असिस्ट दिएका थिए । मेस्सी आफ्नो क्लब र […]
एजेन्सी – बार्सिलोनाका कप्तान तथा स्टार फरवार्ड लिओनेल मेस्सीलाई उनको गोल गर्ने क्षमताका आधारमा मात्र हेर्न नहुने टोलीका प्रशिक्षक किके सेटिनले बताएका छन् ।
मेस्सीले शनिबार मालोर्काविरुद्ध ४-० को जितमा उत्कृष्ट प्रदर्शन गरेपछि सेटिनले यस्तो अभिव्यक्ति दिएका हुन् । उक्त खेलमा मेस्सीले १ गोल गर्नुका साथै २ असिस्ट दिएका थिए । मेस्सी आफ्नो क्लब र राष्ट्रिय टोलीका लागि ७ सय गोलको आँकडा नजिक छन् । हाल उनको गोल संख्या ६ सय ९८ रहेको छ ।
बार्सिलोनाले मंगलबार ला लिगाअन्तर्गत खेलमा लेगानेसको सामना गर्दैछ । खेल बार्सिलोनाको घरेलु मैदान क्याम्प नोउमा हुनेछ । मालोर्काविरुद्ध खेलमा शत प्रतिशत फिट नभएपनि प्रभावशाली प्रदर्शन गरेका मेस्सीलाई प्रशिक्षक सेटिनले गोल गरेको आधारमा मात्र हेर्न नहुने बताएका हुन् ।
‘लिओ ठिक छन् । तपाईंले उनलाई गोल गरेको आधारमा मात्र होइन, खेलमा पारेको प्रभावको आधारमा हेर्नुहोस् । उनको असिस्ट गर्ने क्षमता नै पनि हेर्नुहोस । उनले हामीलाई धेरै अंक जोड्न मदत पुर्याएका छन्,’ सेटिनले भने ।
‘ ७ सय गोल । यो अद्भुत गोल संख्या हो । उनी ७ सय गोलको आँकडा नजिक हुनुले पनि उनलाई विश्वकै उत्कृष्ट खेलाडीको रुपमा चिनाउँछ ।’
सेटिन मंगलबार हुने खेलका लागि टोलीमा केहि परिवर्तन गर्ने सुरमा छन् । मालोर्काविरुद्ध खेलमा एन्टोइन ग्रिजमनले सुरुवाती रोजाइमा खेलेका थिए । फरवार्ड लुइस सुआरेजले भने बेन्चबाट आएर पुनरागमन गरेका थिए । शुक्रबार नै सेभिल्लासँग खेल्नुपर्ने भएकाले पनि सेटिनले मंगलबारको खेलबारे निर्णय लिन सकेका छैनन् ।
‘मैले सुआरेजले भोली सुरुवात गर्ने-नगर्नेबारे निर्णय लिन सकिरहेको छैन । मैले उनीसँग सल्लाह गर्नु पर्छ । हामी अब निकै सचेत हुनुपर्छ, लामो चोटले मांशपेशीमा पनि समस्या आउन सक्छ । हामीले ध्यान दिनुपर्छ,’ उनले भने ।
‘सुआरेजले भोलि अथवा अर्को खेलमा विश्राम लिनेछन् । हामी भाग्यमानी छौं की हामीसँग पर्याप्त खेलाडी छन् । हामीसँग अवस्था अनुसार खेल्नसक्ने खेलाडी छन् ।’
‘ग्रिजमनलाई लिएर कुनै दुविधा छैन, उनी विश्वस्तरीय खेलाडी हुन् । हामीलाई विश्वास छ र उनले त्यसै अनुसार टोलीका लागि मिहिनेत गरिरहेका छन् । हामीसँग प्रयोग गर्न सकिने अन्य खेलाडी पनि छन् ।’
बार्सिलोनाले पहिलो पटक दर्शकबिना नै क्याम्प नोउमा खेल्दैछ । प्रशिक्षक सेटिन यस अवस्थाले टोलीको मनोबलमा असर नपर्ने अपेक्षा गरिरहेका छन् । केहि समस्या हुने भएपनि खेलाडीले अब यसलाई सामान्य रुपमा लिनुपर्ने उनको तर्क छ ।
‘हाम्रो चाहना त समर्थकको अगाडी नै खेल्ने हो, तर यो सम्भव छैन । हामीले अब यसै अवस्थामा रहेर बानी बसाल्नुपर्छ । दर्शकबिना खालि रंगशालामा खेल्दा फुटबलको रौनक कम हुन्छ ।’
‘हामी समर्थक नहुँदा पनि आफ्नो मनोबल गिर्न दिने छैनौं । समर्थक हुँदा टोलीलाई सहज हुन्थ्यो, अब यस्तो अवस्थामा त्यसले प्रतिकुल असर नपरोस् भन्नेमा स्जाग छौं ।’
May 2, 2024
दिपक बोहरा, पाँचथर दुई महिना अघि फिदिममा भएको चौथो पाँचथर गोल्ड कप प्रतियोगिताको हिसाब सार्वजनिक गरिएको छ । आयोजक पाँचथर क्लबले बुधबार फिदिममा पत्रकार सम्मेलन गर्दै प्रतियोगिताको आयव्यय सार्वजनिक गरेको हो । फिदिममा फागुन १२ गतेबाट १९ गते सम्म चलेको प्रतियोगितामा ४६ लाख ६४ हजार ६ सय ६० रुपैयाँ आम्दानी भएको थियो। त्यसमा ७ लाख […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]