4 years ago
June 17, 2020
एजेन्सी – कोरोना महामारीको सन्त्रासपछि झन्डै तीनमहिनापछि विश्वमा खेलकुद गतिविधि विस्तारै चलायमान हुँदैछ । विश्वमा सर्वाधिक रुचाइने फुटबलको चर्चित घरेलु लिगहरु सुचारु भइसकेका छन् । मेबाट सुचारु भएको जर्मन बुन्डेसलिगा सकिने संघारमा पुगिसक्दा अघिल्लो साताबाट स्पेनिस ला लिगाका खेल सुरु भइसकेका छन् । कोरोनाको हव बनेको युरोपेली राष्ट्र इटलीमा पनि फुटबल फर्किसकेको छ । यही […]
एजेन्सी – कोरोना महामारीको सन्त्रासपछि झन्डै तीनमहिनापछि विश्वमा खेलकुद गतिविधि विस्तारै चलायमान हुँदैछ । विश्वमा सर्वाधिक रुचाइने फुटबलको चर्चित घरेलु लिगहरु सुचारु भइसकेका छन् ।
मेबाट सुचारु भएको जर्मन बुन्डेसलिगा सकिने संघारमा पुगिसक्दा अघिल्लो साताबाट स्पेनिस ला लिगाका खेल सुरु भइसकेका छन् । कोरोनाको हव बनेको युरोपेली राष्ट्र इटलीमा पनि फुटबल फर्किसकेको छ । यही भीडमा अब सबैभन्दा लोकप्रिय र चर्चित इंग्ल्यान्डको इंग्लिस प्रिमियर लिग ३ महिना बढीको समयपछि आजदेखि सुरु हुँदैछ ।
१० मार्चमा लेस्टर सिटीले एस्टन भिल्लालाई ४–० ले हराएयता प्रिमियर लिग स्थगित छ । पुनरागमनको पहिलो दिन बुधबार एस्टन भिल्ला र सेफिल्ड युनाइटेड तथा म्यानचेस्टर सिटी र आर्सनलबीचको प्रतिस्पर्धाबाट प्रिमियर लिग सुचारु हुनेछ ।
३० वर्षपछि लिभरपुललाई प्रिमियर लिग च्याम्पियन बन्नबाट कुनै टोलीले पनि रोक्ने सम्भावना छैन । तर, यो बाहेक अर्को सिजन युरोपेली प्रतियोगिता खेल्ने, रेलिगेसनमा पर्ने, खेलाडीको प्रदर्शन र बन्द रंगशालामा खेल्ने विषयले निकै महत्त्व पाइरहेको छ ।
लिभरपुल कहिले च्याम्पियन बन्छ ?
लिग स्थगित हुनुअघि लिभरपुलले दोस्रो स्थानको म्यानचेस्टर सिटीलाई २५ अंकले पछि पारेको थियो । सन् १९९० पछि अर्था ३० वर्षपछि लिभरपुल पहिलोपटक च्याम्पियन बन्ने संघारमा छ । लिभरपुलाई च्याम्पियन बन्न दुई जितको खाँचो थियो । लिग स्थगित नभएको भए लिभरपुल मार्चमै च्याम्पियन बनिसक्थयो ।
तर, कोभिड–१९ ले गर्दा लिभरपुलको उपाधि उत्सवलाई तीन महिनाभन्दा बढी ढिला गरिदिएको छ । यस्तो होला भनेर कसैले पनि सोचेको थिएनन् । लिभरपुललाई च्याम्पियन बन्न कसैले पनि रोक्न सक्नेछैन । दोस्रो स्थानको सिटीले गणितिय रुपमा पनि भेट्ने सम्भावना निकै कम छ । बुधबार सिटी आर्सनलसँग पराजित भएको अवस्थामा मर्सिसाइड टिमले आफ्नो पहिलो खेलमा एभर्टनलाई पराजित गरे पहिलो खेलबाटै लिभरपुलले उपाधि जित्न सक्नेछ ।
यतिमात्र होइन योर्गेन क्लोपको टिमले यसअघि सिटीको नाममा रहेको कीर्तिमान समेत तोड्ने सम्भावना छ । लिभरपुलले अब सम्भावित २७ मध्ये १९ अंक जोडेमा सिटीको २०१७-१८ मा जोडेको १०० अंकको कीर्तिमान तोड्नेछ । यस्तै त्यही सिजन सिटीले १९ अंक अन्तरमा उपाधि जितेको थियो लिभरपुलले त्यो पनि तोड्ने सम्भावना छ ।
लिभरपुलका कप्तान जोर्डन हेन्डरसनले गत वर्ष जुनमा म्याड्रिडमा खचाखच दर्शकका सामु च्याम्पियन्स लिग ट्रफी उठाएका थिए । तर, यसपटक उनीसहित लिभरपुल टोली दर्शक बिनै ट्रफी उठाउने तयारीमा छन् । हेन्डरसनले दर्शक बिना ट्रफी उठाउनु परे अनौठो हुने बताएका छन् ।
च्याम्पियन्स लिग होड
यसपटक प्रिमियर लिगमा लिभरपुलले एकपक्षीय अग्रता बनाउँदा अर्काे सिजनको लागि च्याम्पियन्स लिगमा प्रिमियर लिगको बाँकी तीन कोटाका लागि प्रतिस्पर्धा कडा छ । हाल म्यानचेस्टर सिटी, लेस्टर र चेल्सी शीर्ष चारमा छन् । तर फाइनान्सियल फेयर प्ले को नियम उल्लंघन गरेको आरोपमा सिटीले आगामी दुई वर्ष युरोपपियन क्लब प्रतियोगितामा भाग लिन नपाउने सम्भावना छ ।
पेप ग्वार्डिओलाको टिमले यस विषयमा अपिल गरिसकेको छ । निलम्बन खारेज भयो भने सिटीले अर्को सिजन च्याम्पियन्स लिगमा स्थान बनाउन सक्छ । यदि निलम्बन कायम रहेमा पाँचौ स्थानमा रहेको टोली अर्को सिजनको च्याम्पियन्स लिगलाई छनोट हुनेछ ।
यो स्थानमा हाल म्यानचेस्टर युनाइटेड छ । वल्भ्स र सेफिल्ड युनाइटेड म्यानचेस्टरभन्दा २ अंकले मात्रै पछि छन् । आठौं स्थानको टोटेनहम र नवौं स्थानको आर्सनलको पनि पाँचौ स्थानमा आउने सम्भावना जीवित छ ।
रेलिगेसनबाट बच्न संघर्ष
नर्विच सिटी, एस्टन भिल्ला र बर्नमाउथ यो सिजनको प्रिमियर लिगको रेलिगेसन जोनमा छन् । पुछारमा रहेको नर्विच रेलिगेसनबाट सुरक्षित रहन ६ अंकले पछि छ । एस्टल भिल्लाले लिग रोकिनुअघि लगातार चार खेल हारेको थियो । यो ब्रेकले डिन स्मिथको टिमलाई फाइदा गर्ने आशा छ ।
भिल्लाले एक खेल कम खेलेको छ । यस्तै १० मध्ये ७ खेल हारेको बर्नमाउथ यो विश्राममा आफ्नो फर्म फर्काउने लक्ष्यमा छ । यि तीन टोलीसँगै वाटफोर्ड, वेस्टह्याम र ब्राइटन होभ अल्वियोन पनि खतरामा छन् ।
खेलाडीको फिटनेस
नियमित तालिका अनुसार मेमा घरेलु फुटबलका सबै सिजन सकिने थियो । तर, कोभिड–१९ का कारण यसपटक त्यो सम्भव भएन । खेलाडीहरु यतिबेला व्यस्त सिजनपछि अन्तर्राष्ट्रिय विश्राममा गइसकेका हुन्थे । तर, यसपटक त्यस्ते भएन । खेलाडीहरुको लागि यो तीन महिना (जुन, जुलाई र अगस्ट) निकै व्यस्त हुने तालिका छ ।
यसले खेलाडीको फिटनेसको विषयलाई पनि बाहिर ल्याउनेछ । यति हुँदाहुँदै पनि चोटका कारण सिजन नै गुमाइसकेका खेलाडीहरु फिट भएर खेल्नको लागि तयार भइसकेका छन् । टोटेनहमका चोटग्रस्त ह्यारी केन, ह्युङ मिन सन मैदान फर्कन आतुर छन् । म्यानचेस्टर युनाइटेडका जोडी पउल पोग्बा र मार्कुस रासफोर्ड पनि मैदान फर्कन तयार छन् । दुवै खेलाडी चोटका कारण जनवरी यता मैदान बाहिर थिए ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]