4 years ago
June 17, 2020
एजेन्सी – युरोपेली फुटबलको सर्वोच्च संस्था यूईएफएले युरोपेली च्याम्पियन्स लिगको बाँकी खेल हुने मिति र स्थान तय गरेको छ । कोरोना भाइरस संक्रमणका कारण बिचमा नै रोकिएको प्रतियोगिता अब अगष्ट ७ बाट सुचारु हुने पक्का भएको छ । यूईएफएले च्याम्पियन्स लिगको क्वाटरफाइनल चरणबाट भने सबै खेल लिस्बनमा आयोजना गर्ने तालिका सार्वजनिक गरेको छ । लिस्बनमा […]
एजेन्सी – युरोपेली फुटबलको सर्वोच्च संस्था यूईएफएले युरोपेली च्याम्पियन्स लिगको बाँकी खेल हुने मिति र स्थान तय गरेको छ ।
कोरोना भाइरस संक्रमणका कारण बिचमा नै रोकिएको प्रतियोगिता अब अगष्ट ७ बाट सुचारु हुने पक्का भएको छ । यूईएफएले च्याम्पियन्स लिगको क्वाटरफाइनल चरणबाट भने सबै खेल लिस्बनमा आयोजना गर्ने तालिका सार्वजनिक गरेको छ । लिस्बनमा रहेको ४ फरक मैदानमा सबै खेलहरु आयोजना हुनेछ ।
क्वाटरफाइनलदेखि सबै चरण एक खेलका हुनेछन् भने फाइनल अगष्ट २३ मा हुनेछ । च्याम्पियन्स लिगको राउन्ड अफ १६ का बाँकी ४ खेलबारे भने स्थान यकिन भइसकेको छैन । यूईएफएले सहभागी टोलीसँग छलफल गरेपछि बाँकी खेल लिस्बनमा हुने वा सम्बन्धित टोलीकै घरेलु मैदानमा हुने यकिन गर्नेछ ।
राउन्ड अफ १६ को हकमा युभेन्टसले घरेलु मैदानमा लियोनलाई निम्त्याउन बाँकी छ । पहिलो लेगमा लियोन १-० ले विजयी रहेको थियो । अर्को खेलमा म्यान्चेस्टर सिटीले २-१ को अग्रता बचाउन घरेलु मैदानमा रियल म्याड्रिडसँग प्रतिस्पर्धा गर्नेछ ।
बायर्न म्युनिखले पहिलो लेगमा चेल्सीको मैदानमा दर्ता गरेको ३-० को जितलाई निरन्तरता दिने सुरमा हुनेछ । बार्सिलोना र नेपोलीको खेल क्याटलान क्लबको मैदानमा हुने तयारी थियो । पहिलो लेगको खेल १-१ को बराबरीमा टुंगिएको छ ।
यसअघि नै ४ टोलीले भने क्वाटरफाइनलमा स्थान पक्का गरिसकेका छन् । जर्मनीको आरबी लाइप्जिग, स्पेनको एटलेटिको म्याड्रिड, फ्रान्सको पेरिस सेन्ट जर्मेन र इटालीको एटलान्टाले भने सिधै क्वाटरफाइनलमा खेल्नेछन् ।
यसअघि टर्कीको इस्तानबुलमा फाइनल हुने भनिएपनि कोरोना संक्रमणका कारण त्यो सम्भव हुन सकेन । अब इस्तानबुलले सन् २०२१ को फाइनल खेल आयोजना गर्नेछ । सन् २०२२ मा रुसको सेन्ट पिटर्सबर्ग रंगशालाले फाइनल आयोजना गर्नेछ । त्यसपछि क्रमश म्युनिख एरिना जर्मनी र वेम्बली रंगशाला लन्डनमा च्याम्पियन्स लिग फाइनल हुनेछ ।
खेल तालिका :
७-८ अगस्ट : राउन्ड अफ १६ का बाँकी खेल (स्थान निर्धारण हुन बाँकी)
१२-१५ अगस्ट : क्वाटरफाइनलमा (लिस्बन)
१८-१९ अगस्ट : सेमिफाइनल (लिस्बन)
२३ अगस्ट : फाइनल (लिस्बन)
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]